EVM Tampering Allegations | Uddhav Thackeray यांनाही EVM घोटाळ्याची ऑफर? Sanjay Raut यांचा दावा

विधानसभा निवडणुकीवेळी दोन व्यक्तींनी मतदान वाढवून देण्याची ऑफर दिल्याचा दावा शरद पवारांनी केला होता. आता खासदार संजय राऊतांनी दावा केला आहे की, उद्धव ठाकरेंनाही अशाप्रकारे काही लोक भेटले आणि त्यांना ऑफर दिली होती. इव्हीएमच्या माध्यमातून विजयी करून देण्याचं आश्वासन या लोकांनी दिलं होतं, असं राऊत म्हणाले. यापैकी काही लोकं मान्यवर उद्धव ठाकरे यांनाही भेटले होते. हे लोक लोकसभेलाही भेटले होते आणि विधानसभेलाही भेटले होते. यावर, 'आमचा लोकशाहीवरती विश्वास आहे' असं त्यांना सांगण्यात आलं. देशातलं वातावरण पाहता लोकसभा शंभर टक्के जिंकू असा विश्वास होता आणि महाराष्ट्रात ते यश प्राप्त केलं. 'त्यामुळे आम्हाला अशा प्रकारचे घोटाळे करून निवडणुका जिंकण्याची गरज वाटत नाही' असंही स्पष्ट करण्यात आलं.