Top 50 News : टॉप 50 बातम्यांचा वेगवान आढावा : 12 July 2025 : ABP Majha : 12 PM

महाराष्ट्र राज्य सहकारी बँक घोटाळा प्रकरणात अंमलबजावणी संचालनालयाने (ED) रोहित पवार यांच्याविरुद्ध आरोपपत्र दाखल केले आहे. हे आरोपपत्र २५ हजार कोटींच्या शिखर बँकेच्या घोटाळ्याच्या प्रकरणी आहे. पोलिसांनी दोन क्लोजर रिपोर्ट दिल्यानंतरही ईडीकडून हे आरोपपत्र दाखल झाले आहे. रोहित पवार यांच्याविरुद्ध मनी लाँड्रिंगच्या प्रकरणी पोलिसांच्या ईओडब्ल्यूने २०१९ मध्ये गुन्हा दाखल केला होता. शिखर बँकेचे तत्कालीन अधिकारी आणि संचालक आरोपी आहेत. मर्जीतल्या लोकांना नियमबाह्य पद्धतीनं कारखाने विकल्याचा आरोप आहे. यावर रोहित पवार यांनी प्रतिक्रिया दिली आहे की, "ईडीचे अधिकारी विचारे आदेशाचे धनी आहेत." तसेच, "न्याय देवतेवरती आपला पूर्णपणे विश्वास आहे. यामध्ये दूध का दूध पाणी का पाणी होईलच," असा विश्वास त्यांनी व्यक्त केला आहे. संजय राऊत यांनी "ईडीचं म्हणणं म्हणजे फडणविसांचं म्हणणं," अशी टीका केली आहे. आगामी महानगरपालिका निवडणुका महायुती म्हणून एकत्र लढणार असल्याची ग्वाही नवनियुक्त भाजपचे प्रदेशाध्यक्ष रवींद्र चव्हाण यांनी दिली आहे. त्यांनी उद्धव ठाकरे आणि राज ठाकरे हेतुपुरस्कर एकत्र आल्याचा निशाणा साधला. विरोधक आयकर नोटीसच्या संदर्भात बाऊ करत असल्याचंही चव्हाण यांनी म्हटलं आहे. संजय शिरसाट आणि संजय गायकवाड यांच्या कृतीवरती उपमुख्यमंत्री एकनाथ शिंदे नाराज झाले आहेत. संजय शिरसाट यांनी संजय राऊतांवरती मानहानीचा गुन्हा दाखल करण्याच्या संदर्भात वकिलांसोबत चर्चा केली आहे. आमदार राम कदम यांनी 'लाडकी बहीण' योजनेवरून आपल्या सरकारलाच प्रश्न विचारला आहे. गोपीनाथ मुंडे यांची तिसरी कन्या यशस्वी मुंडे वैजनाथ अर्बन कोऑपरेटिव्ह बँकेच्या निवडणुकीत उतरल्या आहेत. छत्रपती शिवाजी महाराजांच्या बारा किल्ल्यांचा युनेस्कोच्या जागतिक वारसा स्थळांच्या यादीमधे समावेश झाला आहे. यामध्ये महाराष्ट्रातील अकरा आणि तमिळनाडूमधील एका किल्ल्याचा समावेश आहे. मुख्यमंत्री देवेंद्र फडणवीस यांनी या संदर्भात माहिती दिली. राज ठाकरे यांनी "जागतिक वारसा दर्जा दिला म्हणून युनेस्को सारख्या संस्थांना गृहीत धरू नका," असे म्हटले आहे. तसेच, "जात धर्म न बघता आता तरी गडकिल्ल्यांवरील अनधिकृत बांधकामं पाडून टाका," असे आवाहन केले आहे. मीरा भाईंदरमधील ड्रग्जच्या विक्रेत्यांचं पोलिसांच्या समोर मोठं आव्हान आहे. ब्लड १०७ या गँगकडून हाटकेज भागामध्ये नशेचा प्रचार सुरू झाला आहे. एबीपी माझाच्या मीरा रोडमधल्या ड्रग्जच्या बातमीची परिवहन मंत्री प्रताप सरनाईक यांनी दखल घेतली आहे. पंढरपूरमधल्या दर्शन रांगेमधील उड्डाणपुलामध्ये विद्युत करंटमुळे तीन जणांचा मृत्यू झाला आहे. नागपूरमधील प्रसिद्ध हल्दिराम समूहाची कोट्यवधी रुपयांची फसवणूक झाली आहे. जव्हारच्या कृषी अधिकाऱ्यानं ५५ लाख रुपयांच्या फसवणुकीमुळे आत्महत्या केली आहे. मुंबईमध्ये टेस्लाच्या पहिल्या शोरुमचं पंधरा जुलैला उद्घाटन होणार आहे. भारतीय अंतराळवीर शुभांशू शुक्ला चौदा जुलैला पृथ्वीवर परतणार आहेत. भारताच्या जसप्रीत बुमराहनं पाच बळी घेतले असून, त्याचं नाव लॉर्ड्सच्या ऑनर बोर्डावरती छापण्यात आलं आहे.