Train Delay CSMT वरून Nagpur Special Express न आल्याने प्रवासी संतापले,प्रवाशांचा अधिकाऱ्यांना घेराव

सीएसएमटी स्थानकावरून रात्री साडेबारा वाजता सुटणारी नागपूर स्पेशल एक्सप्रेस सकाळी साडेसहा वाजेपर्यंत स्थानकावर पोहोचली नाही. यामुळे स्थानकावर उपस्थित प्रवाशांमध्ये संतापाचे वातावरण निर्माण झाले आहे. रेल्वे प्रशासनाशी चालकाशी संपर्क साधला जात नसल्याचे कारण अधिकारी देत आहेत. संतप्त प्रवाशांनी रेल्वे अधिकाऱ्यांना घेराव घालून जाब विचारला. या अनपेक्षित विलंबामुळे प्रवाशांना अडचणींचा सामना करावा लागला. अनेक प्रवाशांना पहाटेपासूनच स्थानकावर थांबावे लागले. प्रवाशांमध्ये काही रुग्णही होते, ज्यांना तातडीने वैद्यकीय मदतीची आवश्यकता होती. एका प्रवाशाने आपली व्यथा मांडताना सांगितले, "त्याच्यामध्ये काही पेशंट्स आहेत. काही पेशंटला अंब्युलन्स इथे बाहेर पाठवावं लागतंय. तर अशी दुर्दैवी व्यवस्था आमची झालेली आहे. या सीएसटीच्या प्रशासनामुळं." या परिस्थितीमुळे रेल्वे प्रशासनाच्या कार्यक्षमतेवर आणि प्रवासी व्यवस्थापनावर प्रश्नचिन्ह निर्माण झाले आहे.