Corona positive :भाजप नेते राधाकृष्ण विखे पाटील यांना कोरोना संसर्ग : ABP Majha

भाजप नेते राधाकृष्ण विखे पाटील यांना कोरोना संसर्ग झाला आहे. त्यांनी अहमदनगरमधील रुग्णालयात केलेल्या कोरोना चाचणीचा अहवाल पॉझिटिव्ह आलाय. यात गंभीर बाब अशी की, विखे पाटील यांनी नुकत्याच संपलेल्या विधिमंडळाच्या अधिवेशनाला हजेरी लावली होती. तसंच भाजपचे माजी आमदार शिवाजी कर्डिले यांच्या मुलीच्या लग्नातही विखे पाटील यांनी काल उपस्थिती लावली होती. आणि या सोहळ्यात विखे-पाटील चक्क विनामास्क वावरताना दिसले होते.