Thackeray vs Shinde :खरी शिवसेना कुणाची हे निवडणूक आयोगाला ठरवू द्या,एकनाथ शिंदे यांचं प्रतिज्ञापत्र

संजय राऊतांच्या अटकेनंतर राज्यात राजकीय खळबळ सुरू असताना तिकडे खरी शिवसेना कुणाची हा वाद सर्वोच्च न्यायालयात सुरू आहे... आणि खरी शिवसेना कुणाची हे निवडणूक आयोगाला ठरवू द्या अशी विनंती करणारं प्रतिज्ञापत्र मुख्यमंत्री एकनाथ शिंदे यांनी सर्वोच्च न्यायालयात दाखल केलंय. तसंच उद्धव ठाकरे गटाच्या याचिका फेटाळून लावाव्या अशी विनंतीही शिंदेंनी या प्रतिज्ञापत्रातून केलेली आहे... "बहुमताने लोकशाही पद्धतीने घेतलेल्या पक्षाच्या अंतर्गत निर्णयांमध्ये न्यायालयांनी हस्तक्षेप करू नये." अशी विनंतीही या प्रतिज्ञापत्रातून करण्यात आलंय.