Bihar Politics: 'फिर एक बार NDA सरकार', पोल ऑफ पोलचा अंदाज, पण वाढीव मतदान ठरणार किंगमेकर?

बिहार विधानसभा निवडणुकीच्या (Bihar Assembly Election) एक्झिट पोलनुसार (Exit Polls) एनडीएला (NDA) बहुमत मिळण्याचा अंदाज वर्तवण्यात आला आहे. एबीपी माझाचे पत्रकार शिशुपाल यांनी केलेल्या विश्लेषणानुसार, मतदानात झालेली लक्षणीय वाढ निकालांवर मोठा परिणाम करू शकते. पंतप्रधान नरेंद्र मोदी (PM Narendra Modi) आणि बिहारचे मुख्यमंत्री नितीश कुमार (CM Nitish Kumar) यांनी महिला मतदारांना आकर्षित करण्यासाठी जाहीर केलेल्या योजना, विशेषतः महिलांच्या खात्यात थेट १०,००० रुपये देण्याची योजना, महत्त्वाच्या ठरल्याचे म्हटले आहे. शिशुपाल यांच्या मते, 'बिहारमध्ये झालेलं मतदान हे लक्षणीय वाढलेले आहे...त्यामुळे हा वाढलेला मतदार किंगमेकर ठरू शकतो.' महिला मतदार, ज्यांना मोदी आणि नितीश कुमार यांचा 'सायलेंट वोटर' मानले जाते, त्यांची भूमिका या निवडणुकीत निर्णायक ठरू शकते.