Sim Card Port Offer | बीडमध्ये सिमकार्ड पोर्ट केल्यास चिकन, वडापाव, साखर फ्री! | ABP Majha

कोणत्याही शहरातून अथवा गावातून फिरताना प्रत्येक मोबाईलच्या दुकानाबाहेर तुम्हाला वेगवेगळे फलक दिसले असतील. मात्र बीडच्या आष्टीमध्ये चक्क मोबाईलच्या दुकानाच्या बाहेर कुठे चिकन, साखर तर कुठे चक्क मोबाईलच्या कार्ड सोबत वडापाव फ्री असे बोर्ड लागले असल्याने आश्चर्य व्यक्त केलं जात आहे. एकीकडे मोबाईल इंटरनेट सुविधा असेल, कमी दरात कॉलिंग असेल अशा एक ना अनेक सुविधा देऊन खाजगी मोबाईल सिमकार्ड कंपनीवाल्यांनी ग्राहकांना आकर्षित केलेले असतानाच आता आष्टी शहरात एका मोबाईल दुकानदाराने चक्क मोबाईलचे कार्ड एका विशिष्ट कंपनीच्या नावाने पोर्ट करा आणि दोन किलो साखर अथवा अर्धा किलो चिकन मोफत मिळवा अशा आशयाचे फलकच दालनासमोर लावल्याने या फलकाची चवीने चर्चा होत आहे तर दुसरीकडे यामुळे ग्राहक देखील या स्किमच्या माध्यमातून दुकानात गर्दी करत असल्याचे चित्र आहे.