Aaditya Thackeray File Nomination : निवडणूक हे चॅलेंज नाही, बेरोजगारी हे मोठं चॅलेंज

Aaditya Thackeray File Nomination : निवडणूक हे चॅलेंज नाही, बेरोजगारी हे मोठं चॅलेंज
अमित ठाकरेंना (Amit Thackeray) उमेदवारी जाहीर झाल्यानंतर काल माहीममधील अनेक मनसेच्या पदाधिकाऱ्यांनी, कार्यकर्त्यांनी शिवतीर्थ या निवासस्थानी जाऊन त्यांना शुभेच्छा दिल्या. ठाकरे गटाचे नेते आणि खासदार संजय राऊत यांनी देखील अमित ठाकरेंना शुभेच्छा दिल्या. आता माजी मंत्री आणि वरळीतील ठाकरे गटाचे उमेदवार आदित्य ठाकरे यांनी देखील अमित ठाकरेंना निवडणुकीसाठी शुभेच्छा दिल्या आहेत. तुमचे दोन भाऊ अमित ठाकरे आणि वरुण सरदेसाई देखील निवडणुकीच्या रिंगणात उतरले आहेत. त्यांना काय सांगाल असा प्रश्न विचारण्यात आला. त्यावेळी माझ्या सर्वांना शुभेच्छा आहेत. मी सर्वांना शुभेच्छा देतो, असं आदित्य ठाकरे म्हणाले. 
निवडणुकीच्या रिंगणात उतरल्यानंतर अमित ठाकरेंनी काल माध्यमांशी संवाद साधला. यावेळी मी निवडणुकीत जिंकल्यानंतर प्रथम दादर-माहीममधील समुद्रकिनाऱ्याचा प्रश्न मार्गी लावणार असल्याचं सांगितलं. तसेच मी निवडणुकीसाठी तयार आहे. माहीम मतदारसंघातील प्रश्नांची मला जाण आहे, असं अमित ठाकरेंनी सांगितले. यानंतर तुमच्या मतदारसंघालाचा लागून वरळीचा मतदारसंघही आहे. तुमच्या भावाच्या मतदारसंघातही समुद्रकिनारा आहे, असं पत्रकारांनी म्हटलं. वरळीचा समुद्रकिनाराही साफ करुन देईल..तो (आदित्य ठाकरे) हो म्हटल्यावर वरळीचा समुद्रकिनाराही साफ करुन देईल, असं अमित ठाकरे म्हणाले. अमित ठाकरेंच्या या विधानानंतर पत्रकार परिषदेत एकच हशा पिकला.