9 Second News | 9 सेकंदात बातमी सुपरफास्ट एका क्लिकवर ABP Majha 19 July 2024

परभणीच्या काही भागात जोरदार, तर काही ठिकाणी संततधार पावसाची हजेरी, अनेक दिवसानंतर जिल्ह्यात पावसाचं पुनरागमन.  

हिंगोली शहरासह ग्रामीण भागात पावसाची हजेरी, अनेक ठिकाणी साचलं पाणी,  शेतीसाठी समाधानकारक पाऊस असल्यामुळे बळीराजा सुखावला. 

गडचिरोलीच्या सिरोंचा तालुक्यात मुसळधार पाऊस, अनेक घरात पाणी शिरलं, पोलीस प्रशासन आणि आपत्ती व्यवस्थापनाच्या टीमने स्थानिकांना सुरक्षितस्थळी हलवलं. 

रायगड जिल्ह्यात पावसाचा जोर कमी झाल्यानं अनेक नद्या इशारा पातळीच्या आत वाहतायत, गेल्या ३ दिवसांपासून अनेक नद्या दुथडी भरून वाहत होत्या. 

नंदुरबार जिल्ह्यातील धरणामध्ये ४४.२६ टक्के पाणीसाठा, मागील वर्षाच्या तुलनेत पाणी साठा पाच टक्क्यांनी कमी, तर जिल्ह्यातील आठ लघु प्रकल्प कोरडेच..  

नंदुरबारच्या नवापूर तालुक्यातील वांझळे गावात भर पावसाळ्यात पाण्याची मोठी समस्या, महिलांची पाण्यासाठी दीड ते दोन किलोमीटर पायपीट, दीड वर्षांपासून जलजीवन मिशनचं काम रखडल्याने स्थानिक संतप्त.