Eknath Khadse : कितीही त्रास दिला तरी सर्वांच्या उरावर बसेन, एकनाथ खडसे यांचं सरकारला आव्हान

विरोधक रोज म्हणतात, कूच ना कूच होणे वाला है ..मात्र कूच नही होनेवाला है.. मै तुम्हारे उरा पे बैठने वाला हू..या शब्दात एकनाथ खडसे यांनी शिंदे सरकारवर जोरदार प्रहार केला आहे. रावेर तालुक्यातील ऐनपुर येथे राष्ट्रवादी काँग्रेसची जनसंवाद यात्रे निमित्ताने सभा पार पडली. यावेळी एकनाथ खडसे यांनी शिंदे सरकारवर कडाडून टीका केली.   विरोधकांकडून सातत्याने छळ करून मला अडकविण्यात येत आहे. काहीना काही खोटे नाटे करून मला जेलमध्ये टाकायचे आणि निवडणुका सुरळीत करायच्या असा यांचा प्रयत्न असून तुम्हा जनतेच्याआशीर्वादाने मी सर्वांना पुरून उरेल असे म्हणत एकनाथ खडसेंनी सरकारला आव्हान दिले आहे . माझा कितीही छळ केला मला कितीही त्रास दिला तरी मी सर्वांच्या उरावर बसेन या शब्दात एकनाथ खडसेंनी शिंदे सरकारवर निशाणा साधला आहे .