प्रदेशाध्यक्ष बदलाच्या चर्चा जास्त काळ लांबत चालल्याने बाळासाहेब थोरात यांची नाराजी

मुंबई : काँग्रेस पक्षात राज्यातील नेतृत्वावरुन सध्या मोठ्या हालचाली सुरु आहेत. महाराष्ट्र काँग्रेस अध्यक्षपदासाठी मोठी खलबतं होताना दिसत आहेत. मात्र, अजूनही अधिकृतपणे एकही नाव समोर आलेलं नाही. यावरुन सध्याचे प्रदेशाध्यक्ष आणि महसूलमंत्री बाळासाहेब थोरात यांनी उघडपणे नाराजी व्यक्त केली आहे. जो काही निर्णय घ्यायचा आहे, तो तातडीने घ्या, असे मत थोरात यांनी एबीपी माझाशी व्यक्त केलं आहे.