Sandesh Kulkarni Majha Maha Katta : मराठी कलाकारांना हिंदीमध्ये कमालीचा आदर असतो

मराठीतल्या कलाकारांना खूप रिस्पेक्ट मिळतो : संदेश कुलकर्णी 

संदेश कुलकर्णी म्हणाले की, "ओटीटी ही फार मोठी क्रांती आहे, त्यामुळे नवाजुद्दीन सिद्दिकी, जयदीप अहलावत, मनोज वाजपेयी, अमृता सुभाष यांसारख्या असंख्य कलाकारांना आपलं काम दाखवण्याची खूप चांगली संधी मिळाली... ओटीटी नसतं तर मिळाली नसती... ओटीटीचा प्रभाव एवढा आहे की, सो कॉल्ड स्टार्सनाही ओटीटीवर यावं लागलं... मराठीतल्या कलाकारांना खूप रिस्पेक्ट मिळतो, कारण आपल्याकडचे कलाकार खूप तगडे आहेत... हिंदीत काम करताना ते पूर्ण तयारीनिशी जातात..."

"ओटीटी नसतं तर 'असेन मी, नसेन मी' नाटक झालंच नसतं, कारण आम्ही दोघांनी ओटीटीतून कमावलेले पैसे त्या नाटकात टाकले होते... मगाशी विचारलं की, लक्ष्मी का सरस्वती... सरस्वतीसोबतच लक्ष्मीही महत्त्वाची आहे... कारण निर्माते म्हणून आम्ही फक्त नाव लावलेलं नाही... आम्ही कमावलेले पैसे आम्ही त्या नाटकात टाकलेले... त्यामुळे जर ते नाटक यशस्वी झालं नसतं, तर पुन्हा शून्यावर येण्याची ती वेळ होती... तितके पैसे टाकता आले, याचं कारण ओटीटीत तेवढे पैसे आम्हाला मिळत होते..."

अमृताच्या वर्कफ्रंटबाबत बोलायचं झाल्यास, सध्या ती हिंदी सिनेसृष्टीत सक्रीय आहे. लवकरच तिची नेटफ्लिक्सवरची फिल्म 'लस्ट स्टोरीज 2' प्रदर्शित होणार आहे. 'लस्ट स्टोरीज 2'च्या निमित्ताने 'लाइफस्टाइल एशिया इंडिया' मॅगझिनच्या कव्हर पेजवर नीना गुप्ता, काजोल, मृणाल ठाकूर यांच्यासह बॉलिवूडमधील आघाडीच्या अभिनेत्रींसह झळकली होती. ज्यात अमृताचा स्टनिंग अंदाज पाहायला मिळाला. याशिवाय ती आणि संदेश मराठी रंगभुमीवरही सक्रीय आहेत. त्यांच्या 'पुन:श्च हनिमून' या नाटकाचे प्रयोग जोरदार सुरू आहेत.