Nykaa : नायकाच्या Falguni Nayar यांचा अब्जाधीशांच्या यादीत समावेश ABP Majha

Falguni Nayar Story: ब्यूटी और पर्सनल केयरची मोठी कंपनी नायका (Nykaa) गेल्या काही दिवसांपासून चर्चेत आहेत. नायका कंपनीचा बुधवारी आयपीओ (IPO) लॉन्च झाला. नायकानं शेअर बाजारात प्रवेश करतात कंपनीचं भांडवल 1 लाख कोटींच्या पुढे गेलंय. तर, कंपनीच्या संस्थापक फाल्गुनी नायर (Falguni Nayar) यांनी जगभरातील श्रीमंताच्या यादीत समावेश केलाय. 

नायका कंपनीत सुमारे अर्ध भांडवल असलेल्या फाल्गुनी नायरची भागेदारी 6 बिलियनच्या जवळपास पोहोचलीय. जे भारतीय चलनात सुमारे 3 हजार 300 कोटी रुपये आहे. ब्लूमबर्ग बिलियनेअर्स इंडेक्सनुसार, फाल्गुनीचे नाव सर्वात श्रीमंत सेल्फ मेड महिला अब्जाधीश म्हणून नोंदवण्यात आलंय.

फाल्गुनी नायर यांनी इन्वेस्टमेंट बँकर म्हणून नोकरी केलीय. त्यांनी 2012 मध्ये नायकाची सरुवात केलीय. महिलांना सौंदर्य खरेदी आणि वैयक्तिक काळजी घेण्याचा पर्याय देण्यासाठी हे देशातील पहिले व्यासपीठ ठरले. ऑनलाईन मार्केटप्लेस म्हणून उघडलेल्या नायकाची लोकप्रियता झपाट्याने वाढत गेली. नायकानं 2014 मध्ये त्यांचं पहिलं स्टोर उघडलं होतं. मात्र, ऑगस्ट 2021 पर्यंत त्यांची चांगली प्रगती झाली. त्यांचं ऑगस्टपर्यंत देशभरात 40 शहरांमध्ये 80 स्टोर झाली.

मीडिया रिपोर्ट्सनुसार, फाल्गुनी नायर अनेक वर्षे अमेरिका आणि युरोपमध्ये रोड शो आयोजित करण्यासाठी भारतीय कंपन्यांच्या संस्थापकांसाठी पैसे गोळा करण्यासाठी मदत करत होत्या. जिथे आयपीओमधील गुंतवणूकदारांना आकर्षित करण्यासाठी अगोदरपासून रोड शो केले जातात.