Pune Nasarapur Case Special Report : नसरापूरच्या घटनेनं महाराष्ट्राचं काळीज हेलावलंय, शिक्षा कधी?

पुण्याच्या नसरापूरच्या दुर्दैवी घटनेनंतर राज्यभरातून संतापाची भावना उमटली. आता अख्खा महाराष्ट्र पीडित कुटुंबाला लवकरात लवकर न्याय मिळवून देण्याची मागणी करतोय. मुख्यमंत्र्यांनीही हे प्रकरण फास्ट ट्रॅक कोर्टात चालवून नराधमाला लवकरात लवकर शिक्षा मिळेल असं आश्वासन दिलंय. मात्र याचवेळी नराधमाच्या अत्याचाराला बळी पडलेल्या मुलीच्या पित्यानं सर्व राजकारण्यांना एक कळकळीची विनंती केलीये.... पाहूयात या सगळ्या संदर्भातला हा स्पेशल रिपोर्ट....

विकृत नराधमाच्या वासनेला

एक चार वर्षांची मुलगी बळी पडली

आणि त्यानंतर न्यायासाठी मुलीच्या नातेवाईकांनी

पुण्याच्या नवले पुलावर ठिय्या मांडला

तोही रूग्णवाहिकेत मुलीचा मृतदेह ठेवून....

पुण्याच्या नसरापुरात जे घडलं

ते माणुसकीला काळीमा फासणारं आहे

एका ६५ वर्षांच्या नराधमानं अवघ्या ४ वर्षांच्या मुलीवर अत्याचार केले

आणि त्यानंतर तिची हत्या करून तिला शेणाच्या ढिगाऱ्यात गाडलं....

जेव्हा हे सगळं प्रकरण उघडकीस आलं तेव्हा गावकऱ्यांचा उद्रेक पाहायला मिळाला....

शनिवारी संध्याकाळी मुलीचे नातेवाईक आणि ग्रामस्थांनी

मुलीचा मृतदेह रस्त्यावर ठेवून महामार्ग रोखून धरला

त्यामुळे तब्बल चार तास वाहतुकीचा खोळंबा झाला...

अखेर रात्री उशीरा मुख्यमंत्र्यांच्या आश्वासनानंतर

मुलीवर अंत्यसंस्कार करण्यात आले...