Dino Morea in Mithi River Scam : गाळाची चौकशी जोरात दिनोचा पाय खोलात? Special Report

मुंबईतील मिठी नदी गाळ उपसा प्रकरणी अभिनेता दिनो मोरियाची, आर्थिक गुन्हे शाखेनं ६ तास चौकशी केली. या ६ तासांच्या चौकशीदरम्यान दिनो मोरियावर कोणत्या प्रश्नांची सरबत्ती झाली हे चौकशी करणाऱ्या अधिकाऱ्यांना आणि दिनोलाच माहिती.. मात्र मिठी नदी गाळ उपसा प्रकरण आणि दिनो मोरियाचं नेमकं कनेक्शन काय आहे? दिनो मोरिया या प्रकरणातून सहीसलामत बाहेर पडणार? त्याच्या डोक्यावर अटकेची तलवार किती दिवस टांगती राहणार? हे सगळे प्रश्न आजच्या चौकशीनं जन्माला घातलेत... पाहुयात त्याचसंदर्भातला आमचे प्रतिनिधी सूरज ओझा यांचा हा स्पेशल रिपोर्ट..

आतापर्यंत तुम्ही हिरो म्हणून अनेक चित्रपटांमध्ये हा चेहरा पाहिला असेल...

मात्र सकाळपासून हा चेहरा न्यूज चॅनेलवर झळकतोय...

कारण अभिनेता दिनो मोरियाची मिठी नदी गाळ उपसा प्रकरणी, 
मुंबई पोलिसांच्या आर्थिक गुन्हे शाखेनं चौकशी सुरू केलीय

 

मुंबईतील मिठी नदीच्या गाळ उपसा कामात आर्थिक अनियमितता झाल्याचा आरोप आहे.
2021 ते 2023 या कालावधीतील गाळ उपसा कंत्राटांशी संबंधित व्यवहार तपासाच्या कचाट्यात आहे.
या प्रकरणात मुंबई महापालिकेचं ६५ कोटी ५४ लाख रुपयांचं नुकसान झाल्याच्या आरोपाखाली , आर्थिक गुन्हे शाखेकडून तपास सुरू आहे. 
या प्रकरणाशी संबंधित काही फोन रेकॉर्ड हाती लागल्यानंतर मुंबई पोलिसांनी दिनो मोरियाला चौकशीसाठी बोलावलं))

आता मिठी नदी गाळ उपसा प्रकरणात दिनो मोरियाचं नाव कसं आणि कधी आलं ते पाहुयात

 

मुंबई मनपाने 'स्लज पुशर्स' आणि 'ड्रेजिंग मशीन्स'चा वापर करून मिठी नदीच्या साफसफाईची मोहीम हाती घेतली 

या मशीन्सची कोचीतल्या 'मॅटप्रॉप टेक्निकल सर्व्हिसेस प्रायव्हेट लिमिटेड' या कंपनीकडून मोठ्या किमतीत खरेदी केली गेली

केतन कदम आणि जय जोशीने मॅटप्रॉप आणि बीएमसीच्या 'स्टॉर्म वॉटर ड्रेन्स' विभागातील अधिकाऱ्यांशी संगनमत करून 65 कोटींचा घोटाळा केल्याचा आरोप झाला

केतन कदमच्या कॉल रेकॉर्ड्सच्या तपासणीत दिनो मोरिया आणि त्याच्या भावाचं नाव समोर आलं.  

दिनोचा भाऊ सॅटिनो आणि 
केतन कदमची पत्नी एकाच कंपनीचे सहसंचालक होते...

याच कौटुंबिक आणि व्यावसायिक 
संबंधांतून मिठीच्या कंत्राटाचा पैसा दुसरीकडे वळवल्याचा तपास यंत्रणेला संशय आहे 

 

ज्या काळात मिठीच्या गाळात घोटाळा झाल्याचा आरोप होतोय तेव्हा ठाकरेंची शिवसेना सत्तेत होती...

त्यामुळे दिनोला चौकशीला पाचारण केल्यानंतर ठाकरे विरोधी राजकारणानेही जोर धरला...

दिशा सालियन प्रकरणात तिचे वडील सतीश सालियन यांनी आदित्य ठाकरेंबरोबरच दिनो मोरियाचं देखील नाव घेतलंय..

मिठी नदी गाळ उपसा प्रकरणी दिनोची चौकशी सुरू झाल्यानंतर शिवसेनेचे खासदार नरेश म्हस्केंनी दिशा प्रकरणाला देखील हात घालण्याची संधी साधली...