Eknath Shinde CM : एकनाथ शिंदेंना पुन्हा मुख्यमंत्रिपदाचे वेध लागले आहेत का? | Special Report

एकनाथ शिंदेंना पुन्हा मुख्यमंत्रिपदाचे वेध लागले आहेत का? हा प्रश्न थेट विचारला तर कदाचित एकनाथ शिंदेंना तो नक्कीच खटकेल... मात्र हा प्रश्न जन्माला घातलाय एकनाथ शिंदेंच्या शिलेदारानं... नाव आहे बच्चू कडू.. देवेंद्र फडणवीसांचं दिल्लीत प्रमोशन झालं पाहिजे आणि एकनाथ शिंदे पुन्हा मुख्यमंत्री झाले पाहिजेत... असं बच्चू कडू उघड उघड बोलताहेत.. बच्चू कडूंच्या या वक्तव्यामागे नेमकं काय राजकारण दडलंय? पाहुयात

बच्चू यांचे बोल भाजपसाठी कडू?

शिंदेंना पुन्हा मुख्यमंत्री करण्याचा निर्धार व्यक्त

फडणवीसांचं दिल्लीत प्रमोशन झालं पाहिजे - कडू

'शिंदे मुख्यमंत्री व्हावेत', शिवसेना नेत्यांचा सूर

बच्चू कडूंच्या भूमिकेवर भाजपचा तीव्र आक्षेप

बच्चू कडूंना शिवसेनेनं कंट्रोल करावं- आशिष शेलार

बच्चू कडूंच्या भूमिकेवर एकनाथ शिंदे काय म्हणाले?

शिवसेनेत प्रवेश करून जेमतेम महिना लोटलाय...

आणि बच्चू कडूंनी पक्षप्रमुख एकनाथ शिंदेंना पुन्हा एकदा मुख्यमंत्री करण्याचा चंग बांधलाय...

आणि हा चंग पूर्ण करण्यासाठी ते सध्या विदर्भात पायाला भिंगरी लावून फिरताहेत..

आता तुम्ही म्हणाल की,
महाराष्ट्रात जवळपास सव्वा तीन वर्षांनंतर विधानसभा निवडणुका होणार आहेत...

मग बच्चू कडूंनी एकनाथ शिंदेंना मुख्यमंत्री करण्याची भाषा आत्ताच कशी काय सुरू केली?

तर त्याचं झालं असं...

नवी मुंबईत शिवरायांच्या पुतळ्याच्या अनावरणाच्या कार्यक्रम पत्रिकेत, एकनाथ शिंदेंचं नावच नव्हतं..

उपमुख्यमंत्री आणि पालकमंत्री असूनही आपल्या नेत्याला डावलण्यात आल्यामुळे, 
इगो दुखावलेल्या बच्चू कडूंनी देखील मनातल्या भावनांना वाट मोकळी करून दिली..

राज्यात महायुतीचं सरकार आहे

भाजपचे देवेंद्र फडणवीस मुख्यमंत्री आहेत

आणि महायुतीत पार्टनर असलेल्या शिवसेनेचा नेता एकनाथ शिंदेंना मुख्यमंत्र्यांच्या खुर्चीवर बसवण्याची भाषा करतोय म्हणजे....

प्रत्यक्ष-अप्रत्यक्ष भाजपलाच आव्हान देतोय