Heavy Rain | Navi Mumbai, Panvel मध्ये मुसळधार पाऊस; आपत्ती व्यवस्थापन सज्ज

नवी मुंबईमध्ये सकाळपासून पावसाला सुरुवात झाली होती. सकाळी संततधारेत पाऊस सुरू होता, मात्र दुपारी बारा नंतर मुसळधार पावसाला सुरुवात झाली. वाशी, कोपरखर्णे, सीबीडी, नेरूळ या सर्वच भागांमध्ये मुसळधार पाऊस पडत आहे. बारा नंतर पावसाचा जोर कमालीचा वाढलेला आहे. सध्या मुसळधार पाऊस पडत असला तरी अद्याप कुठेही पाणी साचलेले नाही किंवा झाडे पडल्याच्या घटना घडलेल्या नाहीत. "जर पाऊस असाच दिवसभर पडत राहिला संध्याकाळपर्यंत रहा पाऊस राहिला तर मात्र सखल भागांमध्ये आहे ते पाणी साचण्यास सुरुवात होऊ शकते." महानगरपालिकेच्या माध्यमातून आपत्ती व्यवस्थापन पूर्णपणे सज्ज करण्यात आलेले आहे. कुठेही अशा प्रकारची घटना घडल्यास त्वरित मदत मिळावी यासाठी हे व्यवस्थापन पूर्ण तयारीनिशी सज्ज झाले आहे. संपूर्ण शहरावर ढगाळ वातावरण आहे. नवी मुंबई बरोबर पनवेल मध्ये सुद्धा पावसानं आपला जोर कायम ठेवलेला आहे.