Whatsapp Ban : व्हॉट्सॲपकडून मोठी कारवाई! 74 लाखांहून जास्त भारतीय अकाऊंट बॅन, 'या' कारवाईचं कारण काय?
Whatsapp Account Ban : व्हॉट्सॲपकडून 74 लाखांपेक्षा जास्त भारतीय अकाऊंट बंद करण्यात आले आहेत. या कारवाईमागचं नेमकं कारण काय?
Whatsapp Ban Accounts : मेटा (Meta) कंपनीच्या मालकीचं सोशल मीडिया (Social Media) प्लॅटफॉर्म व्हॉट्सॲप (Whatsapp) ने 74 लाखांहून जास्त भारतीय अकाऊंट्सवर (Indian Whatsapp Account Ban) कारवाई करत हे अकाऊंट्स बॅन केले आहेत. व्हॉट्सॲपने ऑगस्ट महिन्यात ही कारवाई केली आहे. व्हॉट्सॲपने जारी केलेल्या आयटी अहवालामध्ये ही माहिती उघड झाली आहे. आयटी नियम 2021 नुसार, सोशल मीडिया प्लॅटफॉर्म्संना प्रत्येक महिन्यात इलेक्ट्रॉनिक्स आणि माहिती तंत्रज्ञान मंत्रालयाला (Ministry of Electronics and Information Technology) अहवाला द्यावा लागतो. व्हॉट्सॲपने जारी केलेल्या ऑगस्ट महिन्याच्या अहवाला भारतीय अकाऊंट्सवर घातलेल्या बंदीची माहिती समोर आली आहे.
व्हॉट्सॲपकडून 74 लाखांहून जास्त भारतीय अकाऊंट बॅन
व्हॉट्सॲप (WhatsApp) ने ऑगस्ट महिन्याच्या जारी केलेल्या अहवालात कंपनीने भारतातील बंदी घातलेल्या अकाऊंट आहे. व्हॉट्सॲपने भारतात विक्रमी 74 लाख बॅड अकाउंट्सवर बंदी घालण्यात आली. व्हॉट्सॲपने आपल्या मासिक अनुपालन अहवालात म्हटले आहे की, ऑगस्टमध्ये 74,20,748 भारतीय खात्यांवर बंदी घातली आहे. यापैकी सुमारे 35,06,905 खात्यांवर कोणत्याही तक्रारीशिवाय कंपनीने स्वत:हून बंदी घालण्याचा निर्णय घेतला आहे.
ऑगस्टमध्ये व्हॉट्सॲपकडे तक्रारींचा आकडा विक्रमी
व्हॉट्सॲपला ऑगस्ट महिन्यामध्ये विक्रमी 14,767 तक्रारी मिळाल्या होत्या. व्हॉट्सॲप कंपनीने दिलेल्या माहितीनुसार, अहवालात युजर्सकडून प्राप्त झालेल्या तक्रारी आणि व्हॉट्सअॅपने केलेल्या कारवाईचा तपशील याचा समावेश आहे. तसेच व्हॉट्सअॅपवर आक्षेपार्ह तसेच गैरवर्तन केल्याप्रकरणी केलेल्या प्रतिबंधात्मक उपायांचा समावेश आहे. व्हॉट्सॲप कंपनीला ऑगस्टमध्ये देशातील तक्रार अपील समितीकडून फक्त एक आदेश प्राप्त झाला, कंपनीने ज्याचं पालन केलं अशी माहितीही दिली आहे.
महत्त्वाच्या बातम्या
