Call Dialer Screen Change Reason : अचानक का बदलल्या फोनच्या कॉल आणि डायलर सेटिंग्ज? काय आहे नेमकं कारण, वाचा सविस्तर
Call Dialer Screen Change Reason: सध्या मोबाईलमधील कॉल आणि डायलर सेटिंग्जमध्ये अचानक बदल झाल्याचे बघायला मिळत आहे. मात्र यामागील नेमकं कारण काय हे आपण जाणून घेऊया.
Call Dialer Screen Change Reason: सध्या मोबाईलमधील कॉल आणि डायलर सेटिंग्जमध्ये अचानक बदल झाल्याचे बघायला मिळत आहे. तर तुमच्या फोनमधील कॉल आणि डायलर सेटिंग्जमध्ये देखील असाच बदल जाणवतोय का? जर उत्तर हो असेल, तर घाबरून जाऊ नका, कारण तुम्ही असा बदल केवळ तुमच्या फोन मधेच नाही तर बहुतेक अँड्रॉइड वापरकर्त्यांच्या (Android Users) फोनमध्ये हा बदल झाला आहे. कॉलिंग इंटरफेसमधील या बदलामागील कारण लोकांना जाणून घ्यायचे आहे. याबद्दल सोशल मीडियावर लोक वेगवेगळ्या प्रतिक्रिया देत आहेत. मात्र यामागील नेमकं कारण काय हे आपण जाणून घेऊया.
जर तुम्हीही अँड्रॉइड वापरकर्ते असाल, तर तुमच्या फोनच्या कॉल आणि डायलर सेटिंग्जमध्ये अचानक बदल झाला असण्याची शक्यता आहे. कोणताही अपडेट किंवा अलर्ट न देता या बदलाबद्दल लोक काहीसे नाराज देखील आहेत. परिणामी सोशल मीडियावर लोक वेगवेगळ्या प्रतिक्रिया देत आहेत. सोशल मीडियावर बरेच लोक या बदलामागील कारण विचारत चर्चा करत आहेत. परंतु बहुतेक लोकांना त्यामागील कारण माहित नाही. फोनमधील या बदलामुळे अनेक अँड्रॉइड फोन वापरकर्ते हैराण झाले आहेत. जर तुमच्या फोनमध्येही हा बदल झाला असेल, तर चला याचे कारण जाणून घेऊया, तसेच हा बदल कसा दूर करायचा ते जाणून घेऊया.
गुगल फोन अॅपमध्ये मटेरियल 3 एक्सप्रेसिव्ह रीडिझाइन लागू
तर हा बदल फक्त त्या स्मार्टफोनमध्ये झाला आहे ज्यामध्ये गुगल फोन अ‍ॅप डायलर अ‍ॅप म्हणून सेट केले आहे. गुगलने त्यांच्या फोन अॅपमध्ये मटेरियल 3 एक्सप्रेसिव्ह रीडिझाइन लागू केले आहे, जे आता वापरकर्त्यांपर्यंत पोहोचू लागले आहे. हे नवीन डिझाइन विशेषतः ते अधिक आधुनिक, सोपे आणि वापरकर्ता-अनुकूल बनवण्यासाठी डिझाइन केले आहे. यातील सर्वात मोठा बदल अॅपच्या नेव्हिगेशन शैलीमध्ये दिसून येतो.
नेमके काय बदल झाले आहेत? जाणून घ्या
नवीन बदलांनंतर, अॅपमध्ये आता तीन टॅब आहेत. जिथे आवडते आणि अलीकडील गोष्टी एकत्र करून होम टॅब तयार केला आहे. तुमचा कॉल हिस्टरी या होम टॅबमध्ये दिसत असेल आणि तुमचे आवडते संपर्क वरच्या बाजूला असलेल्या बार/कॅरोसेलमध्ये दिसत असतील. यामुळे संपर्क पुन्हा पुन्हा शोधण्याची गरज दूर होईल आणि तुमचे महत्त्वाचे संभाषणे जलदपणे अॅक्सेस करता येतील.
महत्त्वाच्या बातम्या
