Veer Mahaan vs John Cena : डब्ल्यूडब्ल्यूई (WWE) मध्ये सध्या भारतीय रेसलर रिंकू सिंह (Indian Wrestler Rinku Singh) उर्फ वीर महान (Veer Mahaan) जोरदार चर्चेत आहे. त्याचे अनेक चाहते आहेत. कपाळावर टिळा, गळ्यात रुद्राक्षाची माळ आणि लांब लांब केस अशी या भारतीय रेसलरची ओळख आहे. रिंकू सिंह उर्फ वीर महाननं (Indian Wrestler Rinku Singh) जोरदार कामगिरीच्या जोरावर वेगळी ओळख निर्माण केली आहे. आता त्याचं नाव जगातील सर्वोत्कृष्ट रेसलरपैकी एक मानलं जातं आहे. दरम्यान, अनेक मीडिया रिपोर्ट्सनुसार असा दावा केला जात आहे की, वीर महानचा सामना WWE चॅम्पियन (WWE Champion) जॉन सीनासोबत (John Cena) होणार आहे.
WWE चँपियन जॉन सीना विरुद्ध वीर महान
भारतीय रेसलर रिंकू सिंह उर्फ वीर महान ((Indian Wrestler Rinku Singh) आणि डब्ल्यूडब्ल्यूई चॅम्पियन जॉन सीना (WWE Champion John Cena)यांच्यात सामना होणार असल्याच्या जोरदार चर्चा आहेत. या दरम्यान डब्ल्यूडब्ल्यूईने त्यांच्या अधिकृत ट्विटर हँडलवर एक फोटो शेअर केला आहे. या ट्विटमध्ये जॉन सीनासोबत अनेक रेसलरचे फोटो दिसत आहेत. डब्ल्यूडब्ल्यूईने चाहत्यांना प्रश्न विचारला आहे की जीन सीनासोबत त्यांना कोणाला लढताना पाहायचं आहे. या फोटोमध्ये भारतीय रेसलर वीर महान यांचाही फोटो आहे. अशा परिस्थितीत लवकरच वीर महान आणि जॉन सीना आमनेसामने येऊ शकतात असं मानलं जात आहे.
वीर महान उर्फ रिंकू सिंह बेसबॉल खेळाडू
भारतीय रेसलर वीर महान उर्फ रिंकू सिंह हा उत्तर प्रदेशातील भदोही जिल्ह्यातील आहे. वीर महान उर्फ रिंकू सिंह यांचा जन्म ऑगस्ट 1988 मध्ये झाला. तो एक व्यावसायिक रेसलर असण्यासोबतच बेसबॉल खेळाडूही आहे. त्याने नुकतेच wwe.raw मध्ये पदार्पण केलं. भारतीय रेसलर वीर महान यानं आपल्या पहिल्या सामन्यातच रे मिस्टेरियो आणि त्याचा मुलगा डॉमिनिक मिस्टेरियो यांचा पराभव केला. त्याचा व्हिडीओ इंटरनेटवर चांगलाच व्हायरल झाला आहे.
महत्त्वाच्या इतर बातम्या