ICC Men's T20 World Cup : अवघ्या काही तासात ऑस्ट्रेलियातील टी 20 विश्वचषकाला सुरुवात होणार आहे. 16 संघामध्ये रनसंग्राम होणार आहे. 45 सामन्यानंतर टी 20 विश्वचषकाचा विजेता संघ कोण? यावरुन पडदा उठणार आहे. भारतासह यजमान ऑस्ट्रेलिया, पाकिस्तान आणि इंग्लंड संघाला विजयाचा प्रबळ दावेदार म्हटले जात आहे. या विश्वचषकात अनेक नवीन विक्रम होतील काही जुने विक्रम मोडले जाणार आहेत. आतापर्यंतच्या टी 20 विश्वचषकात झालेल्या विक्रमावर एक नजर मारुयात...
टी 20 विश्वचषकात मध्ये सर्वाधिक सामने कोण खेळले, सर्वाधिक सामन्यात कर्णधार कोण? सर्वाधिक अर्धशतकं कुणाच्या नावावर?
नामदेव कुंभार
Updated at:
14 Oct 2022 05:10 PM (IST)
ICC Men's T20 World Cup : विश्वचषकात अनेक नवीन विक्रम होतील काही जुने विक्रम मोडले जाणार आहेत. आतापर्यंतच्या टी 20 विश्वचषकात झालेल्या विक्रमावर एक नजर मारुयात.
T20 World Cup
NEXT
PREV
Published at:
14 Oct 2022 05:03 PM (IST)
- टी 20 विश्वचषकावर कुणी कुणी नाव कोरलं? T20 World Cup Winners List from 2007 to 2022
2007 मध्ये भारतीय संघानं पहिला टी 20 विश्वचषक जिंकला होता. त्यानंतर 2009 मध्ये पाकिस्तानने विश्वचषकाला गवसणी घातली होती. 2010 मध्ये इंग्लंड, 2012 मध्ये वेस्ट विंडिज, 2013-14 श्रीलंका, 2015-16 - वेस्ट इंडिज आणि 2021 मध्ये ऑस्ट्रेलियानं टी 20 विश्वचषक जिंकलाय.
- टी 20 मध्ये सर्वाधिक धावसंख्या कोणत्या संघानं उभारली?
श्रीलंका संघानं 2007 मध्ये केनियाविरोधात 20 षटकांत सहा गड्यांच्या मोबदल्यात 260 धावांचा डोंगर उभारला होता.
- टी 20 मध्ये निचांकी धावसंख्या कोणत्या संघाच्या नावावर?
नेदरलँड संघ 39 धावांवर ऑलआऊट झाला होता. श्रीलंकेनं 2004 च्या विश्वचषकात नेदरलँडला 39 धावांवर गुंडाळलं होतं.
- सर्वात मोठा विजय कोणत्या संघाच्या नावावर?
टी 20 क्रिकेटमध्ये श्रीलंका संघाच्या नावावर सर्वात मोठ्या विजयाची नोंद आहे. श्रीलंकेनं केनियाचा 172 धावांनी पराभव केला होता.
- टी 20 विश्वचषकात सर्वाधिक धावा कुणाच्या नावावर?
महेला जयवर्धने, 31 डावात एक हजार 16 धावा...
- विश्वचषकात सर्वाधिक विकेट कुणी घेतल्या?
शाकीब अल हसन, बांगलादेश 30 डावांत 41 विकेट घेतल्या आहेत.
- सर्वाधिक षटकार कुणी लगावले?
ख्रिस गेल, 31 डावात 63 षटकारांचा पाऊस
- सर्वाधिक अर्धशतकं कोणत्या फलंदाजानं झळकावली आहेत?
टी 20 मध्ये सर्वाधिक अर्धशतकं विराट कोहलीच्या नावावर आहेत. विराट कोहलीनं 19 डावांत 10 अर्धशतकं झळकावली आहेत.
- सर्वाधिक झेल कोणत्या खेळाडूनं घेतले?
एबी डिव्हिलिअर्स, 25 डावात 23 झेल
- टी 20 मध्ये सर्वाधिक सामन्यात कर्णधार कोणता खेळाडू राहिला?
एमएस धोनीनं 2007 ते 2016 या कालावधीत टी 20 विश्वचषकात भारतीय संघाचं नेतृत्व केलं. धोनीनं 33 टी 20 विश्वचषकाच्या सामन्यात भारताचं नेतृत्व केलं आहे. यामध्ये धोनीच्या नेतृत्वात भारताने 20 सामने जिंकले आहेत.
- टी 20 विश्वचषकात सर्वाधिक सामने कोणता खेळाडू खेळला?
दिलशान 35 सामने.. यंदाच्या विश्वचषकात रोहित शर्मा हा विक्रम आपल्या नावावर करणार आहे. रोहित शर्मानं टी 20 विश्वचषकात 33 सामने खेळले आहेत.
- टी 20 विश्वचषकात सर्वात यशस्वी स्पेल कोणत्या गोलंदाजाने टाकला?
2012 च्या विश्वचषकात श्रीलंकेच्या मेंडिसनं चार षटकांत 8 धावांच्या मोबदल्यात 6 विकेट घेतल्या होत्या. यामध्ये दोन षटकं निर्धाव होती.
- - - - - - - - - Advertisement - - - - - - - - -