अमित पंघालची ऐतिहासिक कामगिरी, जागतिक बॉक्सिंग विजेतेपद स्पर्धेच्या अंतिम फेरीत धडक

भारताचा स्टार बॉक्सर अमित पंघालनं पुरुषांच्या जागतिक बॉक्सिंग विजेतेपद स्पर्धेच्या अंतिम फेरीत धडक मारली आहे. स्पर्धेच्या आजवरच्या इतिहासात भारतीय बॉक्सरनं या स्पर्धेची अंतिम फेरी गाठण्याची ही पहिलीच वेळ ठरली आहे.

एकाटेरिनबर्ग (रशिया) : भारताचा स्टार बॉक्सर अमित पंघालनं पुरुषांच्या जागतिक बॉक्सिंग विजेतेपद स्पर्धेच्या अंतिम फेरीत धडक मारली आहे. स्पर्धेच्या आजवरच्या इतिहासात भारतीय बॉक्सरनं या स्पर्धेची अंतिम फेरी गाठण्याची ही पहिलीच वेळ ठरली आहे. रशियातल्या एकाटेरिनबर्गमध्ये सुरु असलेल्या या स्पर्धेत एशियाड आणि आशियाई सुवर्णविजेत्या अमित पंघालसमोर 52 किलो वजनी गटाच्या उपांत्यफेरीत कझाकस्तानच्या साकेन बिबोसिनोव्हचं कडवं आव्हान होतं. अमितनं हे आव्हान 3-2 असं मोडीत काढून स्पर्धेची अंतिम फेरी गाठली. शनिवारी होणाऱ्या अंतिम सामन्यात अमितचा सामना उझबेकिस्तानच्या ऑलिम्पिकविजेत्या शाखोबिदीन झोईरोव्हशी होणार आहे. दरम्यान जागतिक बॉक्सिंगच्या पुरुष गटात भारताला एकदाही सुवर्ण किंवा रौप्यपदक पटकावता आलेलं नाही. याआधी भारताच्या चार बॉक्सर्सना कांस्यपदकावरच समाधान मानावं लागलं होतं. जागतिक बॉक्सिंग स्पर्धेत कांस्यविजेते बॉक्सर 2009 - विजेंदर सिंग 2011 - विकास कृष्णन 2015 - शिवा थापा 2017 - गौरव भिदुरी एकूणच शनिवारच्या अंतिम लढतीत अमित पंघाल बॉक्सिंगच्या इतिहासात नवा विक्रम करण्यासाठी सज्ज झाला आहे. तो विक्रमावर अमितचा सोनेरी पंच असेल की रुपेरी हे पाहणं आता महत्वाचं ठरेल.

#ChotaTyson punches his way into the Finals of the Men’s 52kg Flyweight at #AIBAWorldChampionship 2019! Defeats Saken Bibossinov of Kazakhstan by 3-2 SD to become the first Indian to enter the Finals!#GoodLuck @Boxerpanghal @BFI_official #WeAreTeamIndia🇮🇳 #PunchMeinHaiDum🥊 pic.twitter.com/hyBhXDd2KR

— Team India (@WeAreTeamIndia) September 20, 2019

Reaching to Final #wbc2019, I would say that :- In boxing, it is about the obsession of getting the most from yourself: wanting to dominate the world like a hungry young lion...... Thanks to All....@aapkadharam @CaptAbhimanyu @iamsunnydeol pic.twitter.com/VXHDduOJg7

— Amit Panghal (@Boxerpanghal) September 20, 2019

Amit 1st Indian to reach final! 🥊🇮🇳 Our #TOPSAthlete @Boxerpanghal beat #SakenBibossinov 3-2 in 52 kg to become 1st Indian ever to reach the final at Men’s World #Boxing C’ships. 👉🏻He’ll play Uzbekistan’s #ShakhobidinZoirov for the gold tomorrow. We wish him the best! #Go4Gold pic.twitter.com/s3RNVcR6q0

— SAIMedia (@Media_SAI) September 20, 2019