US Open 2022: वयाच्या 40 व्या वर्षीही सेरेना विल्यम्सची चमकदार खेळी, पहिल्या फेरीत कोविनिकला नमवलं
US Open 2022: अमेरिकेची स्टार महिला टेनिसपटू सेरेना विल्यम्स (Serena Williams) वयाच्या 40व्या वर्षीही चमकदार खेळी करताना दिसत आहे.
US Open 2022: अमेरिकेची स्टार महिला टेनिसपटू सेरेना विल्यम्स (Serena Williams) वयाच्या 40व्या वर्षीही चमकदार खेळी करताना दिसत आहे. यूएस ओपनच्या पहिल्या फेरीत तिनं डांका कोविनिच (Danka Kovinic) 6-3, 6-3 नं पराभव केलाय. या महिन्याच्या सुरुवातीला सेरेनानं टेनिसमधून निवृत्ती जाहीर करणार असल्याची घोषणा केली होती. यूएस ओपन 2022 ही तिच्या कारकिर्दीतील शेवटची स्पर्धा असेल, असंही तिनं म्हटलं होतंय.
ट्वीट-
सेरेनाचा मोठा निर्णय
टेनिसमध्ये दमदार कामगिरीच्या जोरावर जगावर छाप सोडणारी सेरेना विल्यम्स जवळपास दीड वर्ष खराब फॉर्मशी झुंज देत होती. तिला गेल्या 450 दिवसांत फक्त एकच सामना जिंकता आला. तसेच तिची क्रमवारीतही सातत्यानं घसरण पाहायला मिळाली. याचदरम्यान, सेरेना विल्यम्सनं टेनिसमधून निवृत्ती घेण्याचा निर्णय घेतला.
सेरेनाचा सामना पाहण्यासाठी प्रेक्षकांची प्रचंड गर्दी
सेरेनाचा सध्याचा फॉर्म पाहता यूएस ओपनच्या पहिल्या फेरीचा सामना तिचा फेअरवेल सामना ठरेल, असं मानलं जात होतं. परंतु, या सामन्यात तिनं जागतिक क्रमवारीत 80 व्या क्रमांकावर असलेल्या डंका कोविनिचचा पराभव केला. सेरेनाचा हा सामना पाहण्यासाठी संपूर्ण टेनिस कोर्ट चाहत्यांनी प्रचंड गर्दी केली होती.
पुढच्या सामन्यात ऍनेट कोन्तावेटशी भिडणार
सेरेनाची पुढची लढत एस्टोनियाच्या द्वितीय मानांकित ऍनेट कोन्तावेटशी होणार आहे. हा सामना बुधवारी होईल. सेरेनाचा हा कदाचित शेवटचा सामना ठरू शकतो, कारण अॅनेट ही मोठी खेळाडू आहे. तसेच तिला यंदाच्या यूएस ओपनचा खिताब जिंकण्याचा प्रबळ दावेदार मानलं जातंय
सेरेना विल्यम्सचं दमदार सुरूवात
अमेरिकेच्या सेरेना विल्यम्सनं 24 वर्षांपूर्वी यूएस ओपनमध्ये पदार्पण केलं होतं. वयाच्या 16 व्या वर्षी टेनिस सुपरस्टार बनलेला विल्यम्स प्रसिद्धीच्या झोतात आली. मात्र, आता ती तिची शेवटची अंतिम स्पर्धा यूएस ओपनमध्ये खेळणार आहे. टेनिस स्टार तिच्या 41 व्या वाढदिवसाच्या काही आठवड्यांपूर्वी दुसऱ्या मुलाला जन्म देण्याची योजना आखत आहे.
सेरेनाच्या नावावर 23 ग्रँडस्लॅम जेतेपदे
सेरेना विल्यम्सची गणना टेनिस जगतातील महान खेळाडूंमध्ये केली जाते. तिनं आपल्या कारकिर्दीत 23 ग्रँडस्लॅम जेतेपदे जिंकली आहेत. सेरेनानं 1995 मध्ये तिच्या आंतरराष्ट्रीय कारकिर्दीला सुरुवात केली. गेली 27 वर्षे ती सतत टेनिस खेळत आहे.
हे देखील वाचा-
महत्त्वाच्या बातम्या
