पीव्ही सिंधूची कोरिया ओपनच्या फायनलमध्ये धडक

पी. व्ही. सिंधूनं कोरिया ओपन सुपर सीरिज बॅडमिंटन स्पर्धेच्या अंतिम फेरीत धडक मारली आहे.

सोल (कोरिया) : भारताच्या ऑलिम्पिक आणि जागतिक रौप्यविजेत्या पी. व्ही. सिंधूनं कोरिया ओपन सुपर सीरिज बॅडमिंटन स्पर्धेच्या अंतिम फेरीत धडक मारली आहे. सिंधूनं चीनच्या बिंगजियाओवर 21-10, 17-21, 21-16 असा विजय मिळवला. सिंधूनं पहिल्या गेममध्ये शानदार सुरुवात केली आणि 9-1 अशी बढत घेतली. पण नंतर काही चुका झाल्या पण तिची लय बिघडली नाही. त्यामुळे पहिल्या गेममध्ये सिंधूनं बिंगजियाओवर 21-10 असा विजय मिळवला. पण दुसऱ्या गेममध्ये बिंगजियाओनं झोकात पुनरागमन करत सिंधूला जोरदार टक्कर दिली. पण सिंधूनं दुसरा गेम 17-21नं गमावला. मात्र, सामन्यातील तिसऱ्या आणि निर्णायक सेटमध्ये सिंधू चुका सुधारत बिंगजियाओवर 21-16 अशी मात करत सामनाही जिंकला. अंतिम सामन्यात सिंधू जपानच्या नोझोमी ओकुहाराविरुद्ध भिडणार आहे. त्यामुळे पीव्ही सिंधू कोरिया सुपर सीरीज आपल्या खिशात घालणार का? याकडे सर्वांचं लक्ष असेल.