Jasprit Bumrah Baby: बुमराह झाला 'बाबा'; संजना गणेशन आणि जसप्रीतला पुत्ररत्नाची प्राप्ती, नाव केलं शेअर
Jasprit Bumrah Baby Boy: भारताचा वेगवान गोलंदाज जसप्रीत बुमराह आणि संजना गणेशन यांना पुत्ररत्नाची प्राप्ती झाली आहे.
Jasprit Bumrah Baby Boy: भारतीय क्रिकेटपटू जसप्रीत बुमराह (Jasprit Bumrah) आणि त्याची पत्नी संजना गणेशन (Sanjana Ganesan) यांच्या आयुष्यात चिमुकल्या पाहुण्याची एन्ट्री झाली आहे. जसप्रीत बुमराह आणि संजनाने आपल्या मुलाचं नाव अंगद असं ठेवलं आहे. बुमराहने स्वत: ट्वीट करून ही माहिती दिली आहे. बाळाचा आणि पत्नीचा हात हातात घेऊन बुमराहने फोटो पोस्ट केला आहे. "आयुष्यातील या नव्या जबाबदारीबद्दल खूष आहे", असं त्याने पोस्टमध्ये लिहीलं आहे.
आशिया कपमधून माघार घेतल्याचं कारण समोर
टीम इंडियाचा स्टार वेगवान गोलंदाज जसप्रीत बुमराहच्या घरी ही आनंदाची बातमी आली आहे. त्याची पत्नी संजना गणेशन हिने सोमवारी (4 सप्टेंबर) मुलाला जन्म दिला आणि याच कारणास्तव बुमराहने आशिया कप-2023 क्रिकेट टूर्नामेंट मध्येच सोडली आणि तो श्रीलंकेतून मायदेशी परतला. मात्र त्यानंतर तो आशिया कप स्पर्धेतील सुपर-4 साठी भारतीय संघात पुन्हा सामील होणार आहे.
बुमराहने शेअर केली खास पोस्ट
बुमराहने ट्विटरवर एक फोटो पोस्ट केला. या पोस्टमध्ये बुमराहने पत्नी आणि मुलाचा हात हातात घेतला आहे आणि त्याने लिहिलं की, "आमचं छोटे कुटुंब आता वाढलं आहे. आमचं हृदय भरुन आलं आहे. आज सकाळी आम्ही आमच्या छोट्या बाळाचं, अंगद जसप्रीत बुमराहचं या जगात स्वागत केलं, आम्ही खूप आनंदी आहोत आणि आमच्या आयुष्यातील नवीन अध्याय सुरू करण्याची आम्ही वाट पाहू शकत नाही.' बुमराहच्या या पोस्टवर चाहत्यांनी त्याचं अभिनंदन केलं आणि प्रेमाचा वर्षाव केला आहे.
जसप्रीतच्या मुलाचं नाव 'अंगद'
जसप्रीत आणि संजनाच्या मुलाचं नाव अंगद आहे, बुमराहने इन्स्टाग्राम आणि ट्विटरवरुन ही माहिती दिली. बुमराह नुकताच क्रिकेटच्या मैदानात परतला होता. आयर्लंडविरुद्धच्या टी-20 मालिकेत त्याने टीम इंडियाची कमान सांभाळली होती. त्यानंतर तो आशिया कप खेळण्यासाठी श्रीलंकेला रवाना झाला. बुमराहने रविवारी अचानक कोलंबोहून मुंबईला जाणारी फ्लाईट पकडली, वैयक्तिक कारणामुळे आशिया कपमधून माघार घेत असल्याचं त्याने सांगितलं, त्यानंतर चाहत्यांना धक्का बसला होता. आता मात्र सर्व काही चाहत्यांना स्पष्ट झालं असून त्यांनीही बुमराहसाठी आनंद व्यक्त केला आहे.
Our little family has grown & our hearts are fuller than we could ever imagine! This morning we welcomed our little boy, Angad Jasprit Bumrah into the world. We are over the moon and can’t wait for everything this new chapter of our lives brings with it ❤️ - Jasprit and Sanjana pic.twitter.com/j3RFOSpB8Q
— Jasprit Bumrah (@Jaspritbumrah93) September 4, 2023
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
