IPL 2022 : ...म्हणून धोनी घालतो 'नंबर 7'ची जर्सी; माहीनं स्वतः सांगितलं कारण
IPL 2022 : महेंद्रसिंह धोनी का घालतो 'नंबर 7'ची जर्सी? हा प्रश्न सध्या चर्चेत आहे. अशातच धोनीनं स्वतः या प्रश्नाचं उत्तर दिलं आहे.
IPL 2022 : टीम इंडियाचा माजी कर्णधार कॅप्टन कूल (MS Dhoni) आयपीएलच्या मैदानातही धमाकेदार खेळी करताना दिसून येतो. आयपीएलमध्ये (IPL) धोनीच्या खांद्यावर चेन्नई सुपर किंग्स (CSK) संघाची कर्णधार पदाची धुरा आहे. ही जबाबदारीही धोनी यशस्वीरित्या पार पाडताना दिसतो. पण सध्या चर्चा रंगली आहे ती, धोनीच्या जर्सीवरील 'नंबर 7'ची. अनेकांना पडलेला प्रश्न म्हणजे, महेंद्रसिंह धोनी नंबर 7ची जर्सी का घालतो? याचं उत्तर स्वतः धोनीनं दिलं आहे.
चेन्नई सुपर किंग्स (CSK)चा कर्णधार एमएस धोनीनं खुलासा केला आहे की, 'नंबर 7' त्याच्या फार जवळचा आहे. कारण त्याचा जन्म 7 जुलै रोजी झाला होता. त्यामुळेच त्याच्या जर्सीचा नंबर 7 आहे. हा नंबर त्यानं कोणत्याही अंधश्रद्धेला बळी पडून निवडलेला नाही. धोनीनं जेव्हापासून क्रिकेटमध्ये आपला आंतरराष्ट्रीय डेब्यु केला आहे, तेव्हापासूनच त्याच्या जर्सीचा नंबर 7 आहे. धोनीमुळेच 'नंबर 7' हा अनेक चाहत्यांचा आवडता नंबर झाला आहे.
इंडिया सिमेंट्स, चेन्नई सुपर किंग्जच्या मालकांचा मूळ गटाद्वारे आयोजित एका कार्यक्रमात चाहत्यांशी बोलताना धोनीनं अनेक गोष्टींबाबत माहिती दिली. यावेळी भारताचा माजी कर्णधार धोनीनं नंर 7 का निवडला त्याचंही स्पष्ट कारण सांगितलं. धोनी म्हणाला की, "अनेक लोकांनी सुरुवातीला विचार केला होता की, 'नंबर 7' माझ्यासाठी एक भाग्यशाली अंक आहे. खरं तर यामागील कारण म्हणजे, माझा वाढदिवस 7 जुलैला असतो. सातव्या महिन्यातला सातवा दिवस हे माझ्यासाठी आवडता नंबर आहे. त्यामुळे मी माझ्या जर्सीवर लिहिण्यासाठी माझ्या जन्मतारखेची निवड केली."
दरम्यान, सध्या क्रिडा रसिकांमध्ये आयपीएलच्या आगामी सीझनबाबत उत्सुकता वाढली आहे. अशातच आयपीएलमधील स्टार संघ सीएसके गेल्या आठवड्यापासून सूरतमध्ये सराव करत आहे. आयपीएलच्या 15व्या सीझनला 26 मार्चपासून सुरुवात होणार आहे. चेन्नई सुपर किंग्स आणि कोलकाता नाईट रायडर्स यांच्यात मुंबईतील वानखेडे स्टेडियममध्ये सामना रंगणार आहे.
आयपीएल 2022 साठी चेन्नई सुपर किंग्सचं शेड्यूल
1. 26 मार्च विरुद्ध कोलकाता नाईट रायडर्स (वानखेडे स्टेडियम, मुंबई)
2. 31 मार्च विरुद्ध लखनौ सुपर जायंट्स (ब्रेबॉर्न स्टेडियम, मुंबई)
3. 3 एप्रिल विरुद्ध पंजाब किंग्स (ब्रेबॉर्न स्टेडियम, मुंबई)
4. 9 एप्रिल विरुद्ध सनराइजर्स हैदराबाद (डीव्हाय पाटील स्टेडियम, मुंबई)
5. 12 एप्रिल विरुद्ध रॉयल चॅलेंजर्स बंगळुरु (डीव्हाय पाटील स्टेडियम, मुंबई)
6. 17 एप्रिल विरुद्ध गुजरात टाइटंस (एमसीए स्टेडियम, पुणे )
7. 21 एप्रिल विरुद्ध मुंबई इंडियंस (डीव्हाय पाटील स्टेडियम, मुंबई)
8. 25 एप्रिल विरुद्ध पंजाब किंग्स (वानखेडे स्टेडियम, मुंबई)
9. 1 मे विरुद्ध सनरायझर्स हैदराबाद (एमसीए स्टेडियम, पुणे )
10. 4 मे विरुद्ध रॉयल चॅलेंजर्स बंगळुरु (एमसीए स्टेडियम, पुणे )
11. 8 मे विरुद्ध दिल्ली कॅपिटल्स (डीवाई पाटिल स्टेडियम, मुंबई)
12. 12 मे विरुद्ध मुंबई इंडियंस (वानखेड़े स्टेडियम, मुंबई)
13. 15 मे विरुद्ध गुजरात टाइटंस (वानखेड़े स्टेडियम, मुंबई)
14. 20 मे विरुद्ध राजस्थान रॉयल्स (ब्रेबॉर्न स्टेडियम, मुंबई)
महत्त्वाच्या इतर बातम्या :
महत्त्वाच्या बातम्या
