SRH vs PBKS, Pitch Report : हैदराबादच्या नवाबांपुढे पंजाबच्या किंग्सचे आव्हान; कोणत्या 11 खेळाडूंकडे सर्वांचे लक्ष, कशी असेल मैदानाची स्थिती?

SRH vs PBKS, Pitch Report :  आज आयपीएलच्या (IPL 2022) अखेरच्या साखळी सामन्यात सनरायजर्स हैदराबाद आणि पंजाब किंग्स हे दोन्ही संघ आमने-सामने असणार आहेत.

SRH

SRH vs PBKS, Pitch Report :  आज आयपीएलच्या (IPL 2022) अखेरच्या साखळी सामन्यात सनरायजर्स हैदराबाद आणि पंजाब किंग्स हे दोन्ही संघ आमने-सामने असणार आहेत. दोन्ही संघाचे प्लेऑफमधील आव्हान आधीच संपुष्टात आलेय. अस्तित्वाच्या लढाईसाठी दोन्ही संघ आमनेसामने येतील.. दोन्ही संघाला शेवट विजयाने करायचा असणार, यात कोणताही शंका नाही. दोन्ही संघ स्पर्धेचा शेवट गोड करण्यासाठी आज सामना जिंकण्याचा प्रयत्न करतील. त्यामुळे सामना रोमांचक होऊ शकतो.

दोन्ही संघाची फलंदाजी हीच कमकुवत बाजू आहे. हैदराबादकडून राहुल त्रिपाठी तर पंजाबकडून जॉनी बेअरस्टो यांनी धावा काढल्या आहेत. पण त्यांच्या कामगिरीत सातत्य नाही. दोन्ही संघाच्या फलंदाजीची मदार पुन्हा एकदा या दोन्ही फलंदाजावर असणार आहे. गोलंदाजीत दोन्ही संघ तुल्यबळ आहेत. त्यामुळे सामना रंगतदार होण्याची शक्यता आहे.  

हैदराबाद संघाची धुरा केन विल्यमसनच्या अनुपस्थितीत भुवनेश्वर कुमार सांभाळण्याची शक्यता आहे. सनराइसर्ज हैदराबादने लागोपाठ पाच पराभवाची मालिका मुंबईविरोधात निसटता विजय मिळवत मोडली होती. पंजाबला आपल्या अखेरच्या सामन्यात दिल्लीकडून पराभवाचा सामना करावा लागला होता.  मयांकच्या नेतृत्वात पंजाबची कामगिरी खराब राहिली आहे. यंदाच्या हंगामात पंजाबला लागोपाठ दोन सामने जिंकता आलेले नाहीत.  

हैदराबाद विरुद्ध पंजाब अशी असेल ड्रीम 11 (SRH vs PBKS Best Dream 11)
PBKS vs SRH Dream 11 A: निकोलस पूरन (उप कर्णधार), जॉनी बेयरस्टो.राहुल त्रिपाठी, अभिषेक शर्मा, शिखर धवन, मयंक अग्रवाल, लियाम लिविंगस्टोन (कर्णधार), भुवनेश्वर कुमार, कगिसो रबाडा, अर्शदीप सिंह, उमरान मलिक

PBKS vs SRH Dream 11 B: जॉनी बेयरस्टो, निकोलस पूरन, राहुल त्रिपाठी(कर्णधार), शिखर धवन, अभिषेक शर्मा, लियाम लिविंगस्टोन, एडेन मार्कराम, ऋषि धवन, कगिसो रबाडा, उमरान मलिक (उपकर्णधार), राहुल चाहर

PBKS vs SRH Dream 11 C: जॉनी बेयरस्टो (कर्णधार), निकोलस पूरन, राहुल त्रिपाठी, शिखर धवन, भानुका राजपक्षे, प्रियम गर्ग, लियाम लिविंगस्टोन, एडेन मार्कराम(उपकर्णधार), कगिसो रबाडा, उमरान मलिक, टी नटराजन
 
कसा आहे पिच रिपोर्ट?
वानखेडे स्टेडियमवर नाणेफेक जिंकून प्रथम गोलंदाजी करण्याचा निर्णय फायद्याचा ठरणार आहे. दुसऱ्यांदा फलंदाजी करणाऱ्या संघाची विजयाची टक्केवारी येथे जास्त आहे. त्यामुळे नाणेफेकीचा कौल महत्वाचा ठरणार आहे. खेळपट्टी गोलंदाजाला मदत करेल असा अंदाज आहे. पण दुसऱ्या डावात फलंदजीसाठी पोषक असेल.