MI vs KKR : आयपीएल 2024 (IPL 2024) मधील मुंबई इंडियन्सचं (Mumbai Indians) आव्हान संपुष्टात आलं आहे. कोलकाता (Kolkata Knight Riders) विरुद्धच्या सामन्यात मुंबईचा (Mumbai Indians) पराभव झाल्याने प्लेऑफमध्ये पोहोचण्याआधीच मुंबई इंडियन्स संघाचं आव्हान संपलं आहे. वानखेडे स्टेडिअमवर शनिवारी पार पडलेल्या सामन्यात कोलकाता नाईट रायडर्स संघाने मुंबई इंडियन्स संघाचा दारुण पराभव केला. कोलकाताने मुंबई संघाला 24 धावांच्या मोठ्या फरकानं हरवलं. मुंबईच्या घरच्या मैदानावर मुंबईचं प्लेऑफमध्ये पोहोचण्याचं आव्हान धुळीला मिळालं आहे. मुंबईच्या घरच्या मैदानावर कोलकाता संघाने विक्रम केला आहे.
मुंबई इंडियन्स प्लेऑफमधून बाहेर!
वानखेडे स्टेडिअमवर 17 वर्षांनी कोलकाता नाईट रायडर्स संघाने मुंबई इंडियन्सचा पराभव केला आहे. महत्त्वाचं म्हणजे आधीच हार्दिक पांड्याच्या कॅर्णधारपदावरून आधीच तो टीकेचा धनी झाला होता. आजच्या सामन्यातही कर्णधार हार्दिक पांड्याला चांगली खेळी करता आलेली नाही. कोलकाता विरुद्ध मुंबईकडून सूर्यानं एकाकी खेळी केली. सूर्यकुमार यादवनं झुंझार अर्धशतकं ठोकलं. सूर्यानं 35 चेंडूत 56 धावा केल्या. टीम डेव्हिडने 24 धावा केल्या, तर कॅप्टन हार्दिक पांड्या फक्त एक धावाकडून माघारी परतला. सूर्या बाद झाल्यावर संघाची आशा संपली आणि मुंबईने कोलकाता विरुद्धचा सामना गमावला.
नेटकऱ्यांची हार्दिक पांड्यावर टीकेची झोड
हार्दिक पांड्याच्या नेतृत्त्वात मुंबई इंडियन्स संघाचं यंदाच्या हंगामातील आव्हान संपलं आहे. प्लेऑफमध्ये पोहोचण्याआधी मुंबई इंडियन्स संघ बाहेर गेला आहे. यानंतर आता नेटकऱ्यांनी हार्दिक पांड्यावर टीकेची झोट उठवली आहे. नेटकऱ्यांनी हार्दिक पांड्याला ट्रोल करण्यास सुरुवात केली असून सोशल मीडियावर भन्नाट मीम्स व्हायरल करण्यास सुरुवात केली आहे.
सोशल मीडियावर भन्नाट मीम्स व्हायरल