KKR vs SRH: कोलकाता नाईट रायडर्स आणि सनरायझर्स हैदराबाद (Kolkata Knight Riders, Shreyas Iyer vs Sunrisers Hyderabad) यांच्यात होणारा आयपीएलचा 61 वा सामना हा श्रेयस अय्यरच्या (Shreyas Iyer) कारकिर्दीतील 100 वा सामना असेल. आयपीएलमध्ये श्रेयस अय्यर फक्त दोनच संघाकडून खेळला आहे. दिल्लीच्या संघाकडून त्यानं आयपीएलमध्ये पदार्पण केलं होतं. तर, आयपीएल 2022 च्या मेगा ऑक्शनमध्ये कोलकात्याच्या संघानं त्याला विकत घेतलं. श्रेयसची आतापर्यंतची कारकीर्द अप्रतिम राहिली आहे. मात्र, यादरम्यान त्याला अनेक चढ-उतार पाहावा लागले.
श्रेयस अय्यरचं आयपीएलमध्ये पदार्पण
अय्यरनं आयपीएल 2015 मध्ये पदार्पण सामना खेळला. या हंगामात त्यानं चमकदार कामगिरी करून दाखवली होती. या हंगामात दिल्लीच्या संघानं त्याला 2.60 कोटी रुपयांना विकत घेतलं होतं. या हंगामात त्यानं 14 सामन्यांत 439 धावा केल्या. अय्यरनं या हंगामात चार अर्धशतके झळकावली होती. यानंतर 2016 मध्ये तो केवळ 6 सामने खेळू शकला आणि यामध्ये त्यानं केवळ 30 धावा केल्या होत्या.अय्यर 2015 पासून 2021 पर्यंत दिल्ली कॅपिटल्सचा भाग होता.
आयपीएल 2017, 2018 मधील श्रेयस अय्यरचं प्रदर्शन
आयपीएलच्या मागच्या हंगामातही श्रेयस अय्यरनं चांगली कामगिरी केली होती. अय्यरनं 17 सामन्यात 519 धावा केल्या. या हंगामातील त्याची सर्वोत्तम धावसंख्या 88 धावा होती. यापूर्वी तो 2019 आणि 2018 मध्येही चांगला खेळला होता. अय्यरने 2018 मध्ये 14 सामन्यांत 411 धावा केल्या. तर 2019 मध्ये 16 सामन्यात 463 धावा केल्या.
यंदाच्या हंगामात कोलकात्याची खराब कामगिरी
दरम्यान, कोलकात्यानं आयपीएल 2022 पूर्वी मेगा ऑक्शनमध्ये श्रेयसला 12.25 कोटींना खरेदी केलं. या हंगामात त्यानं आतापर्यंत खेळलेल्या 12 सामन्यांमध्ये 336 धावा केल्या आहेत. यादरम्यान अय्यरनं 2 अर्धशतके झळकावली आहेत. मात्र, यंदाचा हंगाम त्याच्या संघासाठी चांगला राहिला नाही.
हे देखील वाचा-