Prithvi Shaw: भारतीय क्रिकेट संघाचा युवा फलंदाज पृथ्वी शॉनं पुन्हा एकदा चर्चेत आला आहे. महागडी कारनंतर त्यानं आता मुंबईत अलिशान घर घेतलं आहे. ज्याची किंमत कोटींच्या घरात आहे. पृथ्वीशॉ उंचीनं लहान होता, पण त्याची मोठी स्वप्ने होती. त्या स्वप्नांना पंख दिले आणि तो यशाची शिडी चढत गेला. पृथ्वी शॉ चार वर्षाचा असताना त्याच्या आईचं निधन झालं. यानंतर त्याच्या वडिलांनी त्याची काळजी घेतली आणि त्याला क्रिकेट खेळण्यासाठी प्रेरित केले. पृथ्वी शॉला क्रिकेटर बनवण्यासाठी त्याच्या वडिलांनी त्यांचा व्यवसाय सोडला. पृथ्वी शॉ भविष्यात भारतीय संघासाठी खेळून देशाचं नाव मोठं करेल, अशी त्यांना खात्री होती. 


स्वत:चं घर बांधणे किंवा विकत घेणे प्रत्येकाचं स्वप्न होतं. पृथ्वी शॉनंही त्याचं घर घेण्याचं स्वप्न पूर्ण केलं आहे. पृथ्वी शॉनं वांद्रे रेक्लेमेशन, मुंबई येथे एक प्रीमियम निवासी अपार्टमेंट खरेदी केलं आहे. रिपोर्ट्सनुसार त्याची किंमत साडे दहा कोटी रुपये आहे. इंडेक्स टॅपच्या अहवालानुसार, पृथ्वी शॉनं खरेदी केलेल्या प्रीमियम अपार्टमेंटचे कार्पेट क्षेत्र 2209 स्क्वेअर फूट आहे. तर टेरेस 1654 स्क्वेअर फूट आहे. त्याचे अपार्टमेंट प्रोजेक्ट 81 ऑरिएट येथे आहे. त्याच्या मुद्रांक शुल्कावर 52.50 लाख रुपये खर्च झाले आहेत.


पृथ्वी शॉने वयाच्या 18 व्या वर्षी भारतीय कसोटी संघात पदार्पण केलं होतं. दरम्यान, वेस्ट इंडीजविरुद्ध राजकोट येथे खेळल्या गेलेल्या पदार्पणाच्या सामन्यात त्यानं शतक झळकावलं होतं. कसोटी क्रिकेटमध्ये पदार्पणाच्या सामन्यात शतक झळकावणारा पृथ्वी शॉ सर्वात तरूण भारतीय खेळाडू ठरला. भारतात सर्वाधिक लोकप्रिय असलेल्या इंडियन प्रीमिअर लीगमध्ये पृथ्वी शॉ दिल्ली कॅपिटल्सकडून खेळतो. आयपीएलच्या मेगा ऑक्शनपूर्वी दिल्लीच्या संघानं त्याला रिटेन केलं होतं. 


हे देखील वाचा-