IPL 2022, CSK vs KKR Probable 11 : आयपीएलच्या महासंग्रामाला थोड्याच वेळात सुरुवात, चेन्नई विरुद्ध कोलकाता रंगणार सामना, अशी असू शकतो अंतिम 11

CSK vs KKR Probable 11 : आयपीएलचा पंधरावा हंगाम सुरू होण्यासाठी अवघे काहीच तास शिल्लक असून जाडेजाच्या नेतृत्त्वाखाली चेन्नईचा संघ मैदानात उतरणार असून श्रेयस अय्यर केकेआरला घेऊन मैदानात येईल.

RR_vs_KKR

IPL 2022, CSK vs KKR : बहुचर्चित आणि बहुप्रतिक्षित अशा आयपीएलच्या (IPL 2022) पंधराव्या सीजनला आजपासून सुरुवात होणार आहे. हंगामातील पहिला सामना स्पर्धेतील दमदार संघ असणाऱ्या चेन्नई सुपरकिंग्स विरुद्ध कोलकाता नाईट रायडर्स यांच्यात होणार आहे. दोन्ही संघाकडून यंदा कर्णधारपद नव्या खेळाडूंकडे आहे. चेन्नईची कमान रवींद्र जाडेजाकडे तर केकेआरची श्रेयस अय्यरकडे असणार आहे. 

यंदा आयपीएलमध्ये 8 जागी 10 संघ खेळणार आहेत. त्यामुळे सामने आणखी चुरशीचे होऊ शकतात. त्यात यंदा महालिलाव झाल्यामुळे सर्व संघात बरेच बदल देखील झाले आहेत. त्यामुळे या बदलानंतर आता कोणता संघ कोणत्या खेळाडूच्या खेळीमुळे तारला जाणार याकडे सर्वांचेच लक्ष आहे. त्यामुळे आजच्या चेन्नई विरुद्ध कोलकाता या रोमहर्षक सामन्यापूर्वी दोन्ही संघाकडून कोणते अंतिम 11 खेळाडू मैदानात उतरु शकतात यावर एक नजर फिरवूया... 

चेन्नईचे संभाव्य 11

डेवॉन कॉन्वे, ऋतुराज गायकवाड, अंबाती रायुडू, रॉबिन उथाप्पा, रवींद्र जाडेजा, एम एस धोनी, शिवम दुबे, ड्वेन ब्राव्हो,  ख्रिस जॉर्डन, राजवर्धन हंगरगेकर, अॅडम मिल्ने.  

कोलकाता संभाव्य 11

वेंकटेश अय्यर, अजिंक्य रहाणे, श्रेयस अय्यर, नितीश राणा, सॅम बिलिंग्स, आंद्रे रसेल, सुनील नारायण, चमिका करुणारत्ने, शिवम मावी, वरुण चक्रवर्ती, उमेश यादव.

आतापर्यंत चेन्नई विरुद्ध कोलकाता

चेन्नई आणि कोलकाता यांच्यात आतापर्यंत एकूण 28 सामने खेळले गेले आहेत. यातील 18 सामन्यात चेन्नईच्या संघानं कोलकात्याला पराभूत केलंय. तर, केवळ 9 सामन्यात कोलकात्याला चेन्नईला पराभूत करता आलंय. या आकडेवारीनुसार, चेन्नईच्या संघाचं पारडं जड दिसत आहे.  

हे देखील वाचा- 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha