भारत विरुद्ध आयर्लंड आज पहिला टी ट्वेण्टी सामना

भारत विरुद्ध आयर्लंड पहिला टी ट्वेण्टी सामना आज खेळवण्यात येत आहे. भारतीय संघ या दौऱ्यात दोन ट्वेन्टी ट्वेन्टी सामन्यांची मालिका खेळणार आहे.

डब्लिन ( आयर्लंड) : विराट कोहलीच्या टीम इंडियाच्या आयर्लंड दौऱ्यातला पहिला ट्वेन्टी ट्वेन्टी सामना आज डब्लिनमध्ये खेळवण्यात येईल. भारतीय वेळेनुसार रात्री 8.30 वा सामन्याला सुरुवात होईल. भारतीय संघ या दौऱ्यात दोन ट्वेन्टी ट्वेन्टी सामन्यांची मालिका खेळणार आहे. भारताच्या दीर्घ इंग्लंड दौऱ्याची रंगीत तालीम म्हणून आयर्लंड दौऱ्यातल्या या ट्वेन्टी ट्वेन्टी सामन्यांकडे पाहिलं जात आहे. भारत आणि आयर्लंड संघांत आजवर तीन वन डे आणि एक ट्वेन्टी ट्वेन्टी सामना खेळवण्यात आला आहे. भारतीय संघाच्या 2007 सालच्या आयर्लंड दौऱ्यात उभय संघांत बेलफास्टमध्ये एक वन डे सामना खेळवण्यात आला होता. त्यानंतर तब्बल अकरा वर्षांनी उभय संघ आयर्लंडच्या भूमीवर ट्वेन्टी ट्वेन्टी सामन्याच्या निमित्तानं आमने-सामने येतील. Ireland vs India 1st T20 सामना कधी आणि कुठे खेळवला जाईल? Ireland vs India हा सामना 27 जून 2018 रोजी डब्लिन येथे खेळवण्यात येईल. Ireland vs India 1st T20 सामन्याची वेळ काय? हा सामना भारतीय वेळेनुसार रात्री 8.30 वाजता सुरु होईल. Ireland vs India 1st T20 हा सामना कोणत्या चॅनलवर पाहता येईल? Ireland vs India 1st T20  हा सामना सोनी सिक्स या चॅनलवर पाहता येईल.  Ireland vs India 1st T20 हा सामना ऑनलाईन, लाईव्ह स्ट्रीमिंग कुठे पाहता येईल? Ireland vs India 1st T20 हा सामना Sony Liv  इथे तुम्ही लाईव्ह पाहू शकाल. आयर्लंडविरुद्ध दोन टी-20 सामन्यांसाठी भारतीय संघ विराट कोहली (कर्णधार), शिखर धवन, रोहित शर्मा, केएल राहुल, सुरेश रैना, मनीष पांडे, महेंद्रसिंह धोनी, दिनेश कार्तिक, यजुवेंद्र चहल, कुलदीप यादव, वॉशिंग्टन सुंदर, भुवनेश्वर कुमार, जसप्रीत बुमरा, हार्दिक पंड्या, सिद्धार्थ कौल, उमेश यादव भारतीय खेळाडूंसोबत खेळलेला खेळाडू भारताविरुद्ध मैदानात  आयर्लंडच्या संघात असा एक खेळाडू आहे, जो या अगोदर भारतीय खेळाडूंसोबतही खेळला आहे. पंजाबचा सिमी सिंह नावाचा गोलंदाज आयर्लंडचं प्रतिनिधित्व करणार आहे. सिमी सिंहचा जन्म पंजाबमधील मोहालीत झाला. त्याने पंजाबकडून अंडर 14, अंडर 17 आणि अंडर 19 संघाचं प्रतिनिधित्व केलं. मात्र त्याला आंतरराष्ट्रीय स्तरावर संधी न मिळाल्याने तो आयर्लंडला गेला. 2016 साली वयाच्या 31 व्या वर्षी सिमी सिंह आयर्लंडला स्थायिक झाला. भारतीय खेळाडूंसोबत खेळण्याचा अनुभव सिमी सिंह यजुवेंद्र चहल, सिद्धार्थ कौल आणि मनप्रीत गोनी यांसारख्या पंजाबच्या खेळाडूंसोबत खेळला आहे. पंजाबकडून खेळताना तो फलंदाज होता. मात्र आयर्लंडमध्ये त्याने आपल्या गोलंदाजीवर भर दिला आणि त्याचा आता संघात ऑलराऊंडर म्हणून समावेश करण्यात आला आहे. सिमी सिंहने सात वन डे आणि चार टी-20 सामने खेळले आहेत. टी-20 मध्ये त्याने नेदरलँडविरुद्ध पदार्पण केलं होतं. संबंधित बातम्या सिद्धार्थ कौलला संधी, तीन मालिकांसाठी भारतीय संघ जाहीर   भारतीय खेळाडूंसोबत खेळलेला खेळाडू भारताविरुद्ध मैदानात    तब्बल 10 वर्षानंतर टीम इंडिया 'या' देशाविरुद्ध मालिका खेळणार!   अजिंक्य रहाणेला इंग्लंडविरुद्धच्या वन डे, टी-20 मालिकेतून वगळलं