Hazel Keech : पत्नी हेजलच्या वाढदिवसाला युवीने दिलं खास गिफ्ट; सोशल मीडियावरील पोस्टने वेधलं लक्ष
युवराजनं (Yuvraj Singh) दिलेल्या गिफ्टचा फोटो हेलजनं (Hazel Keech) सोशल मीडियावर शेअर केला. या फोटोमध्ये तिनं खास कॅप्शन देखील दिलं.
Hazel Keech : बॉलिवूड अभिनेत्री हेजल कीच (Hazel Keech) हिचा काल (28 फेब्रुवारी) 36 वा वाढदिवस होता. भारताचा माजी क्रिकेटपटू युवराज सिंहने (Yuvraj Singh) त्याची पत्नी हेजलला तिच्या वाढदिवसानिमित्त खास गिफ्ट दिलं होतं. युवराजने दिलेल्या गिफ्टचा फोटो हेलजने सोशल मीडियावर शेअर केला. या फोटोमध्ये तिने खास कॅप्शन देखील दिलं.
हेजलने शेअर केला फोटो
युवराजने दिलेल्या गिफ्टचा फोटो हेलजने इन्स्टाग्रामवर शेअर केला. या फोटोमध्ये फुलांचा गुच्छ आणि एक फोटो कोलाज दिसत आहे. या फोटोला हेजलने कॅप्शन दिलं, 'थँक्यू husband, माझ्यासाठी तू तयार केलेलं हे सर्वात चांगलं कार्ड आहे. फुलांसाठी देखील थँक्यू '
View this post on Instagram
युवराजची खास पोस्ट
युवराजनं हेजलच्या वाढदिवसानिमित्त सोशल मीडियावर एक खास पोस्ट शेअर केली. या पोस्टमध्ये त्याने हेजलचा एक खास व्हिडीओ शेअर केला आहे. या पोस्टला त्याने कॅप्शन दिलं आहे की, "मला वाटतं, ओरियनला तुझ्यापेक्षा जास्त चांगली आई मिळाली नसती. ओरी आणि त्याचे डॅडी तुझ्यावर खूप प्रेम करतात."
View this post on Instagram
12 नोव्हेंबर 2015 मध्ये हेजल आणि युवराजचा साखरपुडा झाला. 30 नोव्हेंबर 2016 रोजी त्यांचा विवाह सोहळा पार पडला. गेल्या वर्षी जानेवारी महिन्यात हेजल आणि युवराज यांच्या घरी चिमुकल्याचं आगमन झालं. हेजल आणि युवराज यांनी त्यांच्या मुलाचं नाव ओरियन असं ठेवलं.
हेजलने सलमान खान आणि करीना कपूर यांच्या 'बॉडीगार्ड' या चित्रपटात काम केलं. तसेच तिने बिल्ला आणि मॅक्सिमम या तेलगू चित्रपटांमध्ये काम केलं. हेजलने बिग बॉस या कार्यक्रमाच्या सातव्या सीझनमध्ये देखील सहभाग घेतला होता. हेजल आणि युवराज हे एकमेकांसोबतचे फोटो सोशल मीडियावर शेअर करतात. तसेच ते ओरियनचे फोटो देखील सोशल मीडियावर शेअर करतात. हेजल आणि युवराज यांच्या सोशल मीडियावरील पोस्ट अनेकांचे लक्ष वेधतात.
वाचा इतर महत्वाच्या बातम्या:
'फादर्स डे'ला युवराज सिंहने सांगितलं मुलाचं नाव, cute फोटोही केला पोस्ट
महत्त्वाच्या बातम्या
