Suresh Raina Workout: सुरेश रैनाचा भीम वर्कआऊट! सोशल मीडियावर व्हायरल होतोय व्हिडिओ
Suresh Raina Workout: टीम इंडियाचा माजी फलंदाज सुरेश रैना आपल्या वक्तव्यांमुळं आणि ट्विटमुळं नेहमी चर्चेत असतो.
Suresh Raina Workout: टीम इंडियाचा माजी फलंदाज सुरेश रैना आपल्या वक्तव्यांमुळं आणि ट्विटमुळं नेहमी चर्चेत असतो. दरम्यान, आयपीएलच्या पंधराव्या हंगामातील मेगा ऑक्शनमध्ये सुरेश रैना अनसोल्ड ठरला. ज्यामुळं या हंगामात त्याला खेळाडू म्हणून भाग घेता आला नाही. परंतु, त्यानं आयपीएल 2022 मध्ये समालोचनातून क्रिडाविश्वावर आपली छाप सोडली. सध्या सोशल मीडियावर सुरेश रैनाच्या वर्कआऊटचा व्हिडिओ व्हायरल होताना दिसत आहे. त्याचा हा वर्कआऊट महाभारतातील भीमची आठवण करून देतोय.
दरम्यान, सुरेश रैनानं त्याच्या ट्विटर अकाऊंटवरून एक व्हिडिओ शेअर केला आहे. ज्यामध्ये तो 'गदा' घेऊन वर्कआउट करत आहे. रैनाच्या या व्हिडिओनं महाभारतातील भीमची आठवण करून दिली आहे. रैनाचा हा व्हिडिओ सोशल मीडियावर चांगलाच व्हायरल होत आहे. त्याच्या या व्हिडिओवर कमेंटचा वर्षाव होत आहे.
आयपीएलमध्ये सर्वाधिक धावा करणाऱ्या खेळाडूंच्या यादीत रैना पाचवा
आयपीएल 2022 मधील मेगा ऑक्शनमध्ये सुरेश रैनावर कोणत्याही फ्रँचायझीनं बोली लावली नाही. आयपीएलच्या इतिहासात सर्वाधिक धावा करणारा सुरेश रैना पाचवा खेळाडू आहे. रैनानं 205 आयपीएल सामन्यांमध्ये 5,528 धावा केल्या आहेत. या बाबतीत फक्त विराट कोहली, शिखर धवन, रोहित शर्मा आणि डेव्हिड वॉर्नर त्याच्या पुढे आहेत.
चेन्नईला भासली सुरेश रैनाची कमतरता
आयपीएल 2022 मध्ये चेन्नई सुपर किंग्जला सुरेश रैनाची कमतरता भासली. दरम्यान, चार वेळा आयपीएलची ट्रॉफी जिंकलेल्या चेन्नईच्या संघाला यंदाच्या हंगामात केवळ चार सामने जिंकता आले. पुढील वर्षी आयपीएलमध्ये सुरेश रैना त्यांच्या आवडत्या संघात परतेल अशी आशा सीएसकेच्या चाहत्यांना आहे. सुरेश रैनानं आयपीएलमध्ये चेन्नई सुपर किंग्जसाठी सर्वाधिक धावा केल्या आहेत.
व्हिडिओ-
हे देखील वाचा-
महत्त्वाच्या बातम्या
ट्रेंडिंग न्यूज
