WPL 2023 : तगड्या मुंबई संघाला मात दिल्यावर युपीची लढत गुजरातशी, कधी कुठे पाहाल सामना?
UPW-W vs GG-W, Match Preview : एकही सामना न गमावलेल्या मुंबई इंडियन्स संघाला मात दिल्यावर आता युपीचा संघ गुजरात संघाशी दोन हात करण्यासाठी मैदानात उतरणार आहे.
WPL 2023 : महिला प्रीमियर लीग (WPL) स्पर्धेत एकापेक्षा एक रंगतदार सामने पार पडत आहेत. दरम्यान आता आगामी सामना हा उद्या (20 मार्च) होणार असून हंगामातील हा 17 वा सामना खेळवला जाईल. हा सामना युपी वॉरियर्स आणि गुजरात जायंट्स (UP vs GG) या संघांमध्ये होणार आहे. महिलांच्या आयपीएल 2023 च्या यंदाच्या हंगामात दमदार कामगिरीमुळे चर्चेत असणाऱ्या मुंबई इंडियन्स संघाला मात दिल्यामुळे यूपी संघाची चर्चा होत असून आता ते गुजरातविरुद्ध मैदानात उतरली. यूपी संघाने सहापैकी तीन सामन्यात विजय मिळवला असून तीन सामने गमावले आहेत. तर गुजरातने सात पैकी केवळ दोन सामना जिंकले असून 5 सामने गमावले आहेत. तर या सामन्याचं थेट प्रक्षेपण तुम्ही केव्हा आणि कुठे पाहू शकता ते पाहूया...
सामना कधी होणार?
युपी वॉरियर्स आणि गुजरात जायंट्स यांच्या महिला संघांमध्ये उद्या म्हणजेच 20 मार्च रोजी सामना होणार आहे.
सामना कुठे होणार?
युपी वॉरियर्स आणि गुजरात जायंट्स यांच्या महिला संघांमध्ये सामना मुंबईच्या ब्रेबॉर्न स्टेडियमवर होणार आहे.
सामना किती वाजता सुरू होईल?
युपी वॉरियर्स आणि गुजरात जायंट्स महिला संघांमधील सामना भारतीय वेळेनुसार दुपारी 3.30 वाजता सुरू होईल. सामन्याच्या अर्धा तास आधी म्हणजेच 3 वाजता टॉस होईल.
सामन्याचं थेट प्रक्षेपण कुठे पाहाल?
युपी वॉरियर्स आणि गुजरात जायंट्स या महिला संघात खेळल्या जाणाऱ्या या सामन्याचे थेट प्रक्षेपण स्पोर्ट्स 18 नेटवर्कवर दुपारी 3:30 वाजता सुरू होईल. त्यांच्याकडे संपूर्ण हंगामातील सामन्यांचे प्रसारण अधिकार आहेत. त्याच वेळी, या सामन्याचे ऑनलाइन लाइव्ह स्ट्रीमिंग जिओ सिनेमाच्या अॅप आणि वेबसाइटवरून पाहता येईल. ज्यामध्ये त्यांना हे सामने Jio सिनेमावर 4K मध्ये पाहण्याची सुविधा मिळेल.
कसे असू शकते दोन्ही संघाची प्लेईंग 11?
गुजरात जायंट्सचा संभाव्य संघ : सब्भिनेनी मेघना, लॉरा वोल्वार्ड/सोफिया डंकले, हरलीन देओल, ऍशले गार्डनर, जॉर्जिया वेरेहम/अॅनाबेल सदरलँड, सुषमा वर्मा (विकेटकीपर), दयालन हेमलता, स्नेह राणा (कर्णधार), किम गर्थ, मानसी जोशी, तनुजा कंवर
युपी वॉरियर्सचा संभाव्य संघ : देविका वैद्य, अॅलिसा हिली (विकेटकीपर/कर्णधार), श्वेता सेहरावत, किरण नवगिरे, ताहलिया मॅकग्रा, दीप्ती शर्मा, सिमरन शेख, सोफी एक्लेस्टोन, शबनीम इस्माईल, अंजली सरवानी, राजेश्वरी गायकवाड
हे देखील वाचा-
महत्त्वाच्या बातम्या
