Women's T20 World Cup 2026 News : आयसीसीची मोठी घोषणा! 24 दिवस... 33 सामने आणि लॉर्ड्सवर रंगणार फायनल, 2026 महिला टी-20 वर्ल्ड कपच्या तारखा जाहीर
आयपीएलच्या दरम्यान आयसीसीने क्रिकेट चाहत्यांना एक मोठी आनंदाची बातमी दिली आहे.
Women's T20 World Cup 2026 Host And Venue News : पुढील वर्षी म्हणजेच 2026 मध्ये खेळवल्या जाणाऱ्या महिला टी-20 वर्ल्ड कपबाबत आयसीसीने मोठा निर्णय घेतला आहे. ही स्पर्धा कुठे आयोजित करायची याचा निर्णय आधीच घेण्यात आला होता, परंतु अंतिम सामन्याबाबत परिस्थिती स्पष्ट नव्हती, परंतु आता आयसीसीनेही त्याची घोषणा केली आहे. पुढील वर्षी होणाऱ्या महिला टी-20 वर्ल्ड कपचा अंतिम सामना ऐतिहासिक लॉर्ड्स मैदानावर खेळवला जाणार आहे, असे आयसीसीने जाहीर केले आहे. त्याचे यजमानपद इंग्लंडकडे आहे. विशेष म्हणजे, आयसीसी स्पर्धेचा अंतिम सामना लॉर्ड्सवर खेळण्याची ही सलग तिसरी वेळ असणार आहे.
The countdown to ICC Women's #T20WorldCup 2026 begins ⏳
— ICC (@ICC) May 1, 2025
All the venues and key dates for the marquee tournament next year have been announced 🏏https://t.co/BqtN44SMEX
इंग्लंडमधील सहा ठिकाणी रंगणार टी-20 वर्ल्ड कपचा थरार
आयसीसीने माहिती दिली आहे की 2026 चा महिला टी-20 वर्ल्ड कप इंग्लंडमधील सहा ठिकाणी आयोजित केला जाईल. यासाठी लॉर्ड्स व्यतिरिक्त ओल्ड ट्रॅफर्ड, हेडिंग्ले, एजबॅस्टन, हॅम्पशायर बाउल, द ओव्हल आणि ब्रिस्टल काउंटी ग्राउंडची नावे अंतिम करण्यात आली आहेत. पुढील वर्षी होणाऱ्या महिला टी-20 वर्ल्ड कपमध्ये एकूण 12 संघ सहभागी होणार आहेत. ही स्पर्धा 12 जून ते 5 जुलै दरम्यान आयोजित केली जाईल.
सर्व 12 संघांना प्रत्येकी सहा अशा दोन गटात स्थान देण्यात आले आहे. या स्पर्धेत 24 दिवस एकूण 33 सामने होतील. आयसीसी अध्यक्ष जय शाह यांनी या संदर्भात म्हटले आहे की, या अंतिम सामन्यासाठी लॉर्ड्स हा सर्वोत्तम पर्याय होता, जो निवडण्यात आला आहे.
📍 7 venues. One unmissable tournament 🏆
— ICC (@ICC) May 1, 2025
The ICC Women’s T20 World Cup 2026 will grace some of England’s most iconic grounds 🤩
✍️: https://t.co/BqtN44SMEX pic.twitter.com/UmkuBU4HL3
विशेष म्हणजे याआधी गेल्या तीन वेळा जेव्हा जेव्हा आयसीसी स्पर्धेचा अंतिम सामना लॉर्ड्सवर खेळला गेला तेव्हा तेव्हा इंग्लंडचा संघ चॅम्पियन बनला. 2017 मध्ये, महिला एकदिवसीय वर्ल्ड कपचा अंतिम सामना लॉर्ड्सवर खेळला गेला, त्यानंतर इंग्लंडचा संघ चॅम्पियन बनला. 2019 मध्ये, जेव्हा पुरुषांच्या एकदिवसीय वर्ल्ड कपचा अंतिम सामना येथे खेळला गेला, तेव्हाही इंग्लंडचा संघ चॅम्पियन बनला. अशा परिस्थितीत, पुढील वर्षी होणाऱ्या वर्ल्ड कपमध्ये इंग्लंडचा संघ पुन्हा विजेता बनेल का हे पाहणे खूप मनोरंजक असेल.
महत्त्वाच्या बातम्या
