Eng vs Ind 1st Test : क्रिकेटविश्व शोकसागरात, पाचव्या दिवशी भारत-इंग्लंड खेळाडूंच्या डोळ्यांत पाणी, टीम इंडियाच्या माजी क्रिकेटपटूचं निधन
Dilip Doshi Dies Aged 77 : शोकसागरात बुडाले क्रिकेटविश्व; भारत-इंग्लंड खेळाडूंच्या डोळ्यांत पाणी, पाचव्या दिवशी हृदय पिळवटून टाकणारा क्षण
England vs India 1st Test : भारत आणि इंग्लंड यांच्यातील पाच कसोटी सामन्यांच्या मालिकेतील पहिला सामना भावनिक क्षणांनी भरलेला आहे. सामन्याच्या पहिल्या दिवशी, दोन्ही संघांच्या खेळाडूंनी आपल्या हातावर काळ्या पट्ट्या बांधल्या होत्या. अहमदाबादमध्ये घडलेल्या एअर इंडियाच्या भीषण विमान अपघातातील मृत्यूमुखी लोकांना ही श्रद्धांजली वाहिली. मात्र, दुःखाची मालिका यावरच थांबली नाही. तिसऱ्या दिवशी इंग्लंडचे माजी क्रिकेटपटू डेव्हिड सिड लॉरेन्स यांचे निधन झाले. या दुःखद घटनेनंतर पुन्हा एकदा दोन्ही संघांनी त्यांच्या सन्मानार्थ काळ्या पट्ट्यांद्वारे श्रद्धांजली वाहिली. यानंतरही, पाच दिवशी आणखी एक दुःखद बातमी समोर आली, ज्यामुळे खेळाच्या मैदानावरच नव्हे, तर क्रिकेटविश्वातही शोककळा पसरली.
टीम इंडियाच्या माजी क्रिकेटपटूचं निधन
यावेळी भारताचे माजी डावखुरा अनुभवी फिरकी गोलंदाज दिलीप दोशी यांचे निधन झाले. दिलीप दोशी हे भारताच्या सर्वोत्तम फिरकी गोलंदाजांपैकी एक होते. ते अनेक वर्षांपासून लंडनमध्ये राहत होते. 1980 च्या दशकात त्यांनी अचानक आंतरराष्ट्रीय क्रिकेटमधून निवृत्ती घेऊन सर्वांना आश्चर्यचकित केले. दिलीप दोशी यांच्या निधनाने भारतीय क्रिकेटमध्ये शोककळा पसरली. सचिन तेंडुलकर आणि हरभजन सिंग सारख्या दिग्गजांनी सोशल मीडियाद्वारे शोक व्यक्त केला.
Both teams are wearing black armbands today in memory of former Indian cricketer Dilip Doshi, who passed away on Monday.
— BCCI (@BCCI) June 24, 2025
The teams also observed a minute's silence before the start of Day 5. pic.twitter.com/1npOAo4ihp
वयाच्या 32 व्या वर्षी पदार्पण
1979 मध्ये बिशन सिंग बेदी निवृत्त झाल्यानंतर दिलीप दोशीने कसोटी क्रिकेटमध्ये पदार्पण केले. वयाच्या 32 व्या वर्षी त्यांनी आंतरराष्ट्रीय क्रिकेटमध्ये पदार्पण केले. यामुळेच ते फक्त 33 कसोटी सामन्यांमध्ये 114 बळी घेऊ शकले. एकदिवसीय क्रिकेटबद्दल बोलायचे झाले तर दिलीप दोशी यांनी 15 सामने खेळले, ज्यामध्ये त्यांनी 22 बळी घेतले. ते फक्त 4 वर्षे टीम इंडियाकडून खेळू शकले. त्यांनी सप्टेंबर 1983 मध्ये बंगळुरू येथे पाकिस्तानविरुद्ध शेवटचा कसोटी सामना खेळला. दिलीप दोशी यांनी प्रथम श्रेणी क्रिकेटमध्ये 898 बळी घेण्याचा महान पराक्रम केला. त्यांनी 43 वेळा एका डावात पाच बळी घेतले. त्याच वेळी, त्यांनी लिस्ट-ए क्रिकेटमध्ये 75 बळी घेतले. त्यांनी रणजी क्रिकेटमध्ये बंगाल आणि सौराष्ट्रचे प्रतिनिधित्व केले.
सामन्याबद्दल बोलायचे झाले तर, भारत आणि इंग्लंड यांच्यात खेळल्या जाणाऱ्या हेडिंग्ले कसोटी सामन्याचा चौथा दिवस रोमांचक होता. खेळाच्या चौथ्या दिवसअखेर लक्ष्याचा पाठलाग करताना यजमान इंग्लंड संघाने एकही विकेट न गमावता 21 धावा केल्या होत्या. त्याआधी, भारतीय संघाचा डाव 364 धावांपर्यंत मर्यादित होता. त्याच वेळी, पहिल्या डावात टीम इंडियाकडे 6 धावांची आघाडी होती. त्यामुळे चौथ्या डावात इंग्लंडला कसोटी सामना जिंकण्यासाठी 371 धावांचे लक्ष्य मिळाले.
या सामन्याबद्दल बोलायचे झाले तर, इंग्लंडचा कर्णधार बेन स्टोक्सने नाणेफेक जिंकल्यानंतर प्रथम गोलंदाजी करण्याचा निर्णय घेतला. त्याच वेळी, प्रथम फलंदाजी करणाऱ्या टीम इंडियाने यशस्वी जैस्वाल, शुभमन गिल आणि ऋषभ पंत यांच्या शतकांच्या जोरावर 471 धावा केल्या. प्रत्युत्तरात, इंग्लंड संघ 465 धावांवर आटोपला. यामुळेच पहिल्या डावात टीम इंडियाला 6 धावांची आघाडी मिळाली.
महत्त्वाच्या बातम्या
