धर्मशाला स्टेडियमवर प्रश्न उपस्थित झाल्यावर वसीम आक्रमनं PCB ला दाखवला आरसा; थेटंच सुनावलं
Wasim Akram Reaction On PCB: वसीम अक्रमला पाकिस्तानमध्ये बनवलेल्या स्टेडियमबद्दल प्रश्न विचारण्यात आला होता. ज्यामध्ये त्याची तुलना भारताच्या धर्मशाला क्रिकेट स्टेडियमशी करण्यात आली होती
Wasim Akram On PCB: नुकतीच टीम इंडिया (Team India) आणि इंग्लंड (England) यांच्यातील पाचवी कसोटी (5th Test Match) धर्मशाला (Dharamshala) येथे खेळली गेली. भारतीय क्रिकेट संघानं (India National Cricket Team) इंग्लंडचा पराभव करत मालिका 4-1 अशी जिंकली. मात्र, पाकिस्तानचा माजी दिग्गज वसीम अक्रमचा (Wasim Akram) एक व्हिडीओ सोशल मीडियावर (Social Media) मोठ्या प्रमाणात व्हायरल होत आहे.
दरम्यान, वसीम अक्रमला पाकिस्तानमध्ये बनवलेल्या स्टेडियमबद्दल प्रश्न विचारण्यात आला होता. ज्यामध्ये त्याची तुलना भारताच्या धर्मशाला क्रिकेट स्टेडियमशी करण्यात आली होती, ज्यानंतर तो चांगलाच संतापला होता. पाकिस्तानच्या माजी कर्णधारानं पाकिस्तान क्रिकेट बोर्डावर सडकून टीका केली.
"लाहोरच्या गद्दाफी स्टेडियमच्या छताची अवस्था बिकट होत चाललीय..."
वसीम अक्रम म्हणाले की, पाकिस्तान क्रिकेट बोर्ड आपल्या स्टेडियमची योग्य देखभाल करू शकत नाही आणि आम्ही त्याची भारताशी तुलना करत आहोत. वसीम अक्रमला विचारण्यात आलं की, भारताचं धर्मशाला स्टेडियम आणि न्यूझीलंडचं क्वीन्सटाऊनसारखे स्टेडियम उत्तर पाकिस्तानमध्ये का बनवले जात नाहीत? याला प्रत्युत्तर देताना पाकिस्तानचा माजी कर्णधार म्हणाला की, लाहोरमधील गद्दाफी स्टेडियमच्या छताची अवस्था वाईटापेक्षा वाईट आहे, खूप वाईट आहे. आम्ही या स्टेडियमचं नीट व्यवस्थापन करू शकत नाही, नवं बांधणं तर फारच दूर राहिलं.
"आम्ही फक्त नवं स्टेडियम बांधण्याचं स्वप्न पाहू शकतो"
वसीम अक्रम पुढे म्हणतो की, नवं स्टेडियम बांधण्याचं स्वप्न आपण पाहू शकतो. नवं स्टेडियम बांधण्यासाठी आमच्याकडे जागा आहे, पण सध्याच्या स्टेडियमची आम्ही योग्य देखभाल करू शकत नाही. मग नवं स्टेडियम बांधायचं कसं? मात्र, वसीम अक्रमचं वक्तव्य सोशल मीडियावर मोठ्या प्रमाणात व्हायरल होत आहे. याशिवाय सोशल मीडिया यूजर्स पाकिस्तानच्या माजी कर्णधाराच्या वक्तव्यावर सातत्यानं कमेंट करत आहेत.
अक्रमचा डेव्हिड मिलरबाबत मोठा खुलासा
अक्रमनं दावा केला की, मिलरला शेवटचे तीन सामने खेळण्यासाठी 150,000 डॉलर्स (सुमारे 1.24 कोटी) ऑफर करण्यात आले होते. त्याच्या नेतृत्वाखाली त्याच्या टीम फॉर्च्युन बरीशालला पहिल्यांदाच विजेतेपद मिळवून दिलं. अलीकडेच मिलरनं केपटाऊनमध्ये त्याची जुनी मैत्रीण कॅमिला हॅरिसशी लग्न केलं. दरम्यान, जगातील सर्वात मोठी क्रिकेट लीग, इंडियन प्रीमियर लीग 22 मार्चपासून सुरू होत आहे. पहिला सामना एमएस धोनीच्या चेन्नई सुपर किंग्ज आणि विराट कोहलीच्या रॉयल चॅलेंजर्स बंगळुरू यांच्यात होणार आहे.
महत्त्वाच्या बातम्या
