Vaibhav Suryavanshi : रायझिंग स्टार टी 20 चषकात वैभव सूर्यवंशीचं वादळ, अवघ्या 42 चेंडूत 144 धावा, 11 चौकार आणि 15 षटकारांचा पाऊस
Vaibhav Suryavanshi Fastest Century: वैभव सूर्यवंशीनं आशिया कप रायझिंग स्टार टुर्नामेंटमध्ये 32 बॉलमध्ये शतक केलं. यूएई विरुद्ध भारतीय संघानं धावांचा डोंगर रचला आहे.
दोहा : आशिया कप रायझिंग स्टार टी 20 चषक स्पर्धा दोहा येथे सुरु आहे. या स्पर्धेत भारताच्या युवा खेळाडूंनी धावांचा पाऊस पाडला आहे. वैभव सूर्यवंशीनं यूएई विरुद्ध चौकार षटकारांचा पाऊस पाडला. वैभव सूर्यवंशीनं 32 बॉलमध्ये शतक पूर्ण केलं. वैभव सूर्यवंशीनं फलंदाजी करताना 11 चौकार आणि 15 षटकारांचा पाऊस पाडला. तर, अवघ्या 42 चेंडूत 144 धावा करुन तो बाद झाला. यानंतर आलेल्या कर्णधार जितेश शर्मानं देखील जोरदार फटकेबाजी केली. जितेश शर्मानं झंझावाती फलंदाजी करत 32 चेंडूत 8 चौकार आणि 6 षटकारांसह नाबाद 83 धावा केल्या. वैभव सूर्यवंशी आणि जितेश शर्माच्या फलंदाजीच्या जोरावर भारताच्या उदयोन्मुख संघानं संयुक्त अरब अमिरात विरुद्ध 20 षटकात 4 बाद 297 धावांचा डोंगर रचला,
Vaibhav Suryawanshi : वैभव सूर्यवंशीचं 17 बॉलमध्ये अर्धशतक, 32 बॉलमध्ये शतक
भारताचा स्टार युवा फलंदाज 14 वर्षांच्या वैभव सूर्यवंशीनं एक मोठी कामगिरी केली आहे. त्यानं आशिया कप रायझिंग स्टार चषक स्पर्धेत भारत अ संघाकडून खेळताना 32 बॉलमध्ये शतक पूर्ण केलं. वैभवनं अर्धशतक 17 बॉलमध्ये पूर्ण केलं. तर, पुढच्या 15 बॉलमध्ये 50 धावा केल्या. वैभवनं शतकापर्यंत 10 चौकार आणि 9 षटकार मारले.
वैभव सूर्यवंशीनं 42 बॉलमध्ये 144 धावांची खेळी केली. या डावात वैभवनं 15 षटकार आणि 11 चौकार मारले. टी 20 क्रिकेटच्या इतिहासात भारतासाठी वेगवान शतक केलं. यापूर्वी हे रेकॉर्ड अभिषेक शर्मा आणि उर्विल पटेल यांच्या नावावर आहे. त्या दोघांनी 28 बॉलमध्ये शतक पूर्ण केलं.
वैभव सूर्यवंशी यानं याच वर्षी आयपीएलमध्ये शतक केलं होतं. 14 वर्ष 32 दिवसांच्या वयात 35 बॉलमध्ये आयपीएलमध्ये त्यानं शतक केलं होतं. आयपीएलमधील हे दुसरं वेगवान शतक ठरलं होतं.
टी 20 मध्ये भारताचे सर्वात वेगवान शतक करणारे फलंदाज
भारतासाठी टी 20 मध्ये सर्वाधिक वेगवान शतक झळकावण्याचा विक्रम अभिषेक शर्मा आणि उर्विल पटेल यांच्या नावावर आहे. त्या दोघांनी 28 बॉलमध्ये शतक केलं आहे. रिषभ पंतनं 32 बॉलमध्ये शतक केलं.
अभिषेक शर्मा - 28 बॉल
उर्विल पटेल - 28 बॉल
रिषभ पंत - 32 बॉल
वैभव सूर्यवंशी - 32 बॉल
आशिया कप रायजिंग स्टार स्पर्धेची सुरुवात 14 नोव्हेंबरला झाली आहे. पहिल्या मॅचमध्ये पाकिस्ताननं ओमानला 40 धावांनी पराभूत केलं आहे. तर, या स्पर्धेत भारत, पाकिस्तान, यूएई, ओमान, अफगाणिस्तान, बांग्लादेश, श्रीलंका, आणि हाँगकाँग यांनी सहभाग घेतला आहे. ही स्पर्धा 14 ते 23 नोव्हेंबर दरम्यान सुरु असेल.
महत्त्वाच्या बातम्या
