कौन बनेगा करोडपतीमध्ये 40 हजारांसाठी टी-20 विश्वचषकाच्या संबंधित प्रश्न; तुम्हाला उत्तर माहितीय का?
T20 World Cup 2024: भारतातील प्रसिद्ध टीव्ही कार्यक्रमात कौन बनेगा करोडपतीमध्ये टी-20 विश्वचषकाच्या संबंधित एक प्रश्न विचारण्यात आला होता.
KBC T20 World Cup 2024: टी-20 विश्वचषक 2024 च्या स्पर्धेत (ICC T20 World Cup 2024) दमदार कामगिरी करत भारतीय संघाने अंतिम सामन्यात दक्षिण आफ्रिकेच्या संघाला 7 धावांनी धूळ चारली आणि विश्वचषकावर आपलं नाव कोरलं. २००७ नंतर भारताने पुन्हा एकदा टी-२० विश्वचषक जिंकल्याने देशभरात आनंदाचं वातावरण आहे. क्रिकेटप्रेमींनी रस्त्यावर उतरत फटाक्यांची आतषबाजी करत हा विजय साजरा केला. भारताच्या या विजयानंतर मुंबईत विजयी जल्लोष झाला. टीम इंडियाच्या विजयाची जगभरात चर्चा झाली. अलीकडेच भारतातील प्रसिद्ध टीव्ही कार्यक्रमात कौन बनेगा करोडपतीमध्ये टी-20 विश्वचषकाच्या संबंधित एक प्रश्न विचारण्यात आला होता. क्रिकेटमध्ये स्वारस्य असलेल्या प्रेक्षकांसाठी या प्रश्नाचे उत्तर देणे अगदी सोपे आहे.
कौन बनेगा करोडपतीमध्ये चार पर्याय देण्याबरोबरच 2024 च्या टी-20 विश्वचषकादरम्यान (ICC T20 World Cup 2024) कोणता खेळाडू भारतीय संघाचा भाग नव्हता हे विचारण्यात आले होते. त्याच्या पर्यायांमध्ये कुलदीप यादव, रवींद्र जडेजा, रविचंद्रन अश्विन आणि सूर्यकुमार यादव यांच्या नावांचा समावेश होता. स्पिनर म्हणून कुलदीप यादवने या स्पर्धेत भारतासाठी महत्त्वाची भूमिका बजावली होती. तर रवींद्र जडेजा अष्टपैलू म्हणून खेळला. सूर्यकुमार यादवही संघाचा एक भाग होता. त्याने आपल्या अभिनयाने सर्वांची मने जिंकली. त्यामुळे या प्रश्नाचे अचूक उत्तर रविचंद्रन अश्विन असं आहे. रविचंद्रन अश्विन 2023 मध्ये एकदिवसीय विश्वचषक खेळला होता. पण टी-20 विश्वचषकासाठी संघाचा भाग नव्हता.
40 हजार रुपयांसाठी प्रश्न-
टी-20 विश्वचषक 2024 शी संबंधित कौन बनेगा करोडपतीमध्ये विचारलेल्या प्रश्नाची किंमत 40 हजार रुपये होती. याआधीही अनेकदा क्रिकेटशी संबंधित प्रश्न विचारले गेले आहेत. कौन बनेगा करोडपती हा शो ज्येष्ठ अभिनेते अमिताभ बच्चन होस्ट करतात.
टीम इंडिया 19 सप्टेंबरपासून मैदानात दिसणार-
टीम इंडिया 19 सप्टेंबरपासून बांगलादेशविरुद्ध कसोटी मालिका खेळणार आहे. या मालिकेतील पहिला सामना चेन्नईत होणार आहे. भारताने पहिल्या कसोटीसाठी संघ जाहीर केला आहे. यामध्ये रविचंद्रन अश्विनचाही समावेश करण्यात आला आहे. त्याच्यासोबत अष्टपैलू रवींद्र जडेजाही संघाचा एक भाग आहे. कुलदीप यादवला फिरकीपटू म्हणून संघात स्थान मिळाले आहे.
दक्षिण अफ्रिकेविरुद्ध भारताचा विजय-
भारतीय संघाने टी-20 विश्वचषकाच्या अंतिम सामन्यात दक्षिण आफ्रिकेचा पराभव करून दुसऱ्यांदा विजेतेपद पटकावले आहे. भारतीय संघाने प्रथम फलंदाजी करताना 20 षटकांत 7 गडी गमावून 176 धावा केल्या. भारताकडून विराट कोहलीने 59 चेंडूत सर्वाधिक 76 धावा केल्या. याला प्रत्युत्तर देताना दक्षिण आफ्रिकेचा संघ 20 षटकात 8 विकेट गमावत 169 धावाच करू शकला. अशा प्रकारे भारताने हा सामना 7 धावांनी जिंकला.
संबंधित बातमी:
आयसीसीच्या अध्यक्षपदाची सूत्रे हाती घेण्याआधीच 'मास्टरस्ट्रोक'; जय शाह यांनी घेतला मोठा निर्णय
महत्त्वाच्या बातम्या
ट्रेंडिंग न्यूज
