IND vs SL : कसोटी-वन-़डे गाजवून आता टी20 पदार्पणासाठी 'हा' खेळाडू सज्ज, श्रीलंकेविरुद्ध टी20 सामन्यात कशी असे प्लेईंग 11? वाचा

IND vs SL : भारत आणि श्रीलंका यांच्यात मंगळवार अर्थात 3 जानेवारीपासून टी20 सामन्यांना सुरुवात होणार आहे.

IND vs SL

IND vs SL, T20 : टीम इंडिया 3 जानेवारीपासून श्रीलंकेविरुद्ध टी20 मालिका खेळणार आहे. भारत आणि श्रीलंका (India vs Sri Lanka) यांच्यातील तीन सामन्यांच्या टी-20 मालिकेतील पहिला सामना 3 जानेवारीला होणार आहे. या मालिकेत हार्दिक पांड्या टीम इंडियाचे नेतृत्व करेल. तर पहिल्या T20 मध्ये टीम इंडियाची प्लेइंग इलेव्हन कशी असू शकते, ते पाहूया...

रोहित शर्मा, विराट कोहली आणि केएल राहुलसारखे स्टार खेळाडू या मालिकेत टीम इंडियाचा भाग नाहीत. भविष्याचा विचार करून बोर्डाने या संघाची निवड केल्याचे मानले जात असून हार्दिकचाही भावी कर्णधार म्हणून विचार केला जात आहे.  दरम्यान भारतासाठी कसोटी आणि एकदिवसीय सामन्यांमध्ये चांगली कामगिरी करणारा शुभमन गिल श्रीलंकेविरुद्धच्या पहिल्या T20 सामन्यात टी-20 आंतरराष्ट्रीय क्रिकेटमध्ये पदार्पण करू शकतो. त्याच्यासोबत ईशान किशन डावाची सुरुवात करू शकतो. त्याचबरोबर यष्टीरक्षक फलंदाज संजू सॅमसन तिसऱ्या क्रमांकावर खेळू शकतो.

मधली ऑर्डर अशी असेल?

श्रीलंकेविरुद्ध भारतीय संघाच्या मधल्या फळीबद्दल बोलायचे झाले तर त्यात सूर्यकुमार यादव, कर्णधार हार्दिक पांड्या आणि अष्टपैलू दीपक हुडा असू शकतात. हे तिन्ही खेळाडू त्यांच्या आक्रमक खेळासाठी ओळखले जातात. तसेच, तो कोणत्याही गोलंदाजाविरुद्ध मोठे फटके खेळण्यात तरबेज आहे.

टीम इंडिया तीन वेगवान गोलंदाज आणि दोन फिरकीपटूंसोबत मैदानात 

गोलंदाजी विभागाबद्दल बोलायचे झाले तर टीम इंडिया तीन वेगवान गोलंदाज आणि दोन फिरकीपटूंसोबत जाऊ शकते. उमरान मलिक, अर्शदीप सिंग आणि हर्षल पटेल वेगवान गोलंदाजीत असू शकतात. त्याच वेळी, फिरकीपटूंमध्ये अष्टपैलू वॉशिंग्टन सुंदर आणि दिग्गज लेग-स्पिनर युझवेंद्र चहल असू शकतात.

श्रीलंकेविरुद्धच्या पहिल्या T20 मध्ये टीम इंडियाची संभाव्य प्लेइंग इलेव्हन - शुभमन गिल, इशान किशन, संजू सॅमसन, सूर्यकुमार यादव, हार्दिक पांड्या, दीपक हुडा, वॉशिंग्टन सुंदर, युझवेंद्र चहल, अर्शदीप सिंग, हर्षल पटेल आणि उमरान मलिक.

भारत विरुद्ध श्रीलंका टी20 सामन्यांचं वेळापत्रक

सामना	तारीख	ठिकाण	वेळ
पहिला टी20 सामना	10 जानेवारी	बारास्परा क्रिकेट स्टेडियम, गुवाहाटी	दुपारी 2 वाजता
दुसरा टी20 सामना	12 जानेवारी	ईडन गार्डन्स, कोलकाता	दुपारी 2 वाजता
तिसरा टी20 सामना	15 जानेवारी	ग्रीनफिल्ड क्रिकेट स्टेडियम, तिरुवनंतीपुरम	दुपारी 2 वाजता

हे देखील वाचा-