Shoaib Akhtar resigned | शोएब अख्तरचा पीटीव्ही स्पोर्ट्सचा तडकाफडकी राजीनामा!

Shoaib Akhtar takes mic off: माजी वेगवान गोलंदाज शोएब अख्तरने ट्विट केले की, नोमानने असभ्यपणा दाखवला आणि त्याने मला कार्यक्रम सोडण्यास सांगितले.

संग्रहित छायाचित्र

Shoaib Akhtar takes mic off: सरकार-नियंत्रित पीटीव्ही चॅनेलच्या क्रिकेट विश्लेषक (Cricket analyst) पदाचा राजीनामा दिल्याने पाकिस्तानचा माजी वेगवान गोलंदाज शोएब अख्तर (Shoaib Akhtar) पुन्हा एकदा चर्चेत आला आहे. पीटीव्हीच्या (PTV) होस्टने त्याला कार्यक्रमातून बाहेर जाण्यास सांगितल्यानंतर त्याने टीव्ही कार्यक्रम मध्येच सोडल्याचे त्याने सांगितले. अख्तरने सांगितले की, मंगळवारी टी-20 विश्वचषक स्पर्धेत पाकिस्तानने न्यूझीलंडवर पाच विकेट्सने विजय मिळवल्यानंतर कार्यक्रमाच्या यजमानाने आपल्याशी गैरवर्तन केले आणि अपमान केला.

पाकिस्तानसाठी 46 कसोटी आणि 163 एकदिवसीय सामने खेळणारा 46 वर्षीय अख्तर उठला, त्याचा मायक्रोफोन काढला आणि निघून गेला. कार्यक्रमाचे होस्ट नौमन नियाज यांनी त्याला परत कॉल करण्याचा प्रयत्न केला नाही आणि कोणताही प्रतिसाद दिला नाही आणि कार्यक्रम सुरूच ठेवला. पण कार्यक्रमाचे इतर पाहुणे सर व्हिव्हियन रिचर्ड्स, डेव्हिड गोवर, रशीद लतीफ, उमर गुल, आकिब जावेद आणि पाकिस्तान महिला संघाची कर्णधार सना मीर या प्रकरणाने आश्चर्यचकीत होते. अख्तरने कार्यक्रम सोडल्यानंतर सोशल मीडियावर खळबळ उडाली आणि लोकांनी नियाजला माफी मागण्यास सांगितले. अख्तर आणि नियाज यांच्यातील वादाचा व्हिडिओ सोशल मीडियावर शेअर करण्यात आला होता.

त्याचवेळी माजी गोलंदाज अख्तरने बुधवारी ट्विटरवर पोस्ट करून आपली भूमिका स्पष्ट केली. अख्तरने ट्विट केले की, "सोशल मीडियावर अनेक व्हिडिओ फिरत आहेत त्यामुळे मला वाटले की मी माझी भूमिका स्पष्ट करावी. नोमानने असभ्यपणा दाखवला आणि त्याने मला शो सोडण्यास सांगितले." तो म्हणाला, की "हे खूप लाजिरवाणे होते कारण तुमच्यासोबत सर व्हिव्हियन रिचर्ड्स आणि डेव्हिड गॉवरसारखे दिग्गज आणि माझे काही समकालीन आणि वरिष्ठ देखील सेटवर बसले होते आणि लाखो लोक ते पाहत होते."

अख्तरने होस्टच्या प्रश्नाकडे लक्ष दिलं नाही
अख्तर म्हणाला, "मी गमतीने नौमनचा पाय खेचत असून नौमन माफी मागणार असल्याचे सांगत यावर पडदा टाकण्याचा प्रयत्न केला. मात्र, त्यांनी माफी मागण्यास नकार दिला. त्यानंतर माझ्याकडे दुसरा पर्याय नव्हता. हे तेव्हा घडले जेव्हा अख्तरने होस्टच्या प्रश्नाकडे दुर्लक्ष करत वेगवान गोलंदाज हारिस रौफबद्दल चर्चा केली आणि पाकिस्तान सुपर लीग फ्रँचायझी लाहोर कलंदर आणि त्याचे प्रशिक्षक आकिब यांचे कौतुक केले.

माफी मागितल्यानंतर पीटीव्ही स्पोर्ट्समधून राजीनामा 
नौमानने त्याला रोखण्याचा प्रयत्न केला आणि तो अख्तरवर चिडला. मी त्याच्याकडे लक्ष देत नाही आणि हे मी सहन करणार नाही, असे त्याने शोएबला सांगितले. होस्ट म्हणाला, "तुम्ही माझ्याशी गैरवर्तन केले आणि मी तुम्हाला सांगतो की तुम्ही आता शो सोडू शकता." त्यानंतर ब्रेक घेण्यात आला. नंतर अख्तरने इतर तज्ञांची माफी मागितली आणि नंतर जाहीर केले की तो पीटीव्ही स्पोर्ट्सचा राजीनामा देत आहे.