IND vs NZ Final : विराट कोहलीला मिठी मारली अन् सर रवींद्र जडेजाने दिले निवृत्तीचे संकेत; भर मैदानात नेमकं काय घडलं? Photo Viral
2025 च्या चॅम्पियन्स ट्रॉफीच्या अंतिम सामन्यादरम्यान एका फोटोमुळे सोशिल मीडियावर खळबळ उडाली आहे.
India vs New Zealand Champions Trophy 2025 Final Ravindra Jadeja retiring : 2025 च्या चॅम्पियन्स ट्रॉफीच्या अंतिम सामन्यादरम्यान एका फोटोमुळे सोशिल मीडियावर खळबळ उडाली आहे. खरंतर, न्यूझीलंडविरुद्धच्या जेतेपदाच्या सामन्यात विराट कोहलीने संघाचा अनुभवी अष्टपैलू रवींद्र जडेजाला मिठी मारली. तेव्हापासून असे म्हटले जात आहे की, अंतिम सामन्यानंतर जडेजा निवृत्त होईल. दोघांचाही फोटो सोशल मीडियावर व्हायरल होत आहे. यासोबतच निवृत्तीचीही खूप चर्चा होत आहे. सर्वात महत्वाची गोष्ट म्हणजे विराटने जडेजाच्या दहा षटके संपल्यानंतर जाऊ मिठी मारली. म्हणूनच सोशल मीडियावर जडेजाच्या निवृत्तीची जोरदार चर्चा सुरू आहे. चाहते असा अंदाज लावत आहेत की, तो आता टीम इंडियाकडून खेळणार नाही. पण, या गोष्टींमध्ये किती तथ्य आहे हे येणारा काळच सांगेल, कारण अद्याप कोणतेही अधिकृत विधान आलेले नाही.
It's last match for Ravindra Jadeja in the ODIs Happy Retirement ❤️ pic.twitter.com/78eIxKwSWL
— Ahmed Says (@AhmedGT_) March 9, 2025
रवींद्र जडेजा निवृत्त होणार की नाही हे अद्याप निश्चित झालेले नाही. पण चाहत्यांनी हे मान्य केले आहे की हा त्याचा शेवटचा सामना आहे. अनेक चाहत्यांनी सोशल मीडियावर आपल्या भावना व्यक्त केल्या. त्याने भारतीय अष्टपैलू खेळाडूचे इतके दिवस टीम इंडियासाठी खेळल्याबद्दल आणि चांगली कामगिरी केल्याबद्दल आभार मानले. चाहत्यांनी जडेजाला निवृत्तीसाठी शुभेच्छा देण्यास सुरुवात केली आहे.
Happy retirement Jadeja pic.twitter.com/dlvB2MzeIY
— Suprvirat (@ishantraj51) March 9, 2025
अंतिम सामन्यात अद्भुत गोलंदाजी
रवींद्र जडेजा प्रत्येक महत्त्वाच्या प्रसंगी उत्कृष्ट कामगिरी करण्यासाठी ओळखला जातो. चॅम्पियन्स ट्रॉफीच्या अंतिम सामन्यातही त्याने आपली जबाबदारी चोख बजावली. जडेजाने किवी फलंदाजांना धावा काढण्याची एकही संधी दिली नाही. त्याने संपूर्ण सामन्यात कंजूष गोलंदाजी केली आणि १० षटकांत फक्त ३ च्या इकॉनॉमीने ३० धावा दिल्या. यादरम्यान, जडेजाने टॉम लॅथमची एक महत्त्वाची विकेटही घेतली. त्याने सामन्यातील शेवटचा चेंडू ४० व्या षटकात टाकला. यानंतर, कोहली त्याच्याकडे गेला आणि दोघांनीही एकमेकांना मिठी मारली.
Thank you Ravindra jadeja, It's been a privilege to watch you bowl.❤ pic.twitter.com/AJ21aqhCjQ
— S. (@ThodaSaSanskari) March 9, 2025
हे ही वाचा :
महत्त्वाच्या बातम्या
