Rahul Chahar Marriage : गोव्याच्या किनाऱ्यावर राहुल चाहर अडकला लग्नबंधनात, शेअर केले फोटो

Rahul Chahar Marriage : टीम इंडियाचा युवा फिरकीपटू राहुल चाहर त्याची गर्लफ्रेंड ईशानीसोबत लग्नबंधनात अडकला असून इन्स्टाग्रामवर त्याने फोटो शेअर केले आहेत.

Rahul_Chahar

Rahul Chahar Marriage : भारतीय क्रिकेट संघाचा युवा फिरकीपटू राहुल चाहरने (Rahul Chahar) त्याची गर्लफ्रेंड ईशानीसोबत (Ishani) नुकतंच लग्न केलं आहे. त्याने सकाळी लग्नाआधीच्या (Rahul Chahar Marriage) काही विधी करतानाचा व्हिडीओ शेअर केला होता. त्यानंतर आता त्याने फेरे घेतानाचे फोटो शेअर केले आहेत. गोव्यातील एका समुद्रकिनारी त्याने विवाह केला आहे. 

आयपीएलमध्ये (IPL) मुंबई इंडियन्सचा (Mumbai Indians) संघ गाजवल्यानंतर राहुलने भारतीय संघाकडून विश्वचषकही खेळला. त्यानंतर आता यंदा (IPL 2022) त्याला 5.25 कोटींना पंजाब संघाने विकत घेतलं आहे. दरम्यान राहुल चाहर आता आगामी आयपीएलसाठी तयार झाला असताना आता त्याआधी त्याने लग्न उरकून घेतलं आहे. त्याने सकाळीच त्याच्या इन्स्टाग्रामवर ईशानीसोबत डान्स करतानाचा एक व्हिडीओही शेअर केला होता. यामध्ये ईशानी हाताला मेहंदी लावलेली दिसून आली. राहुल आणि ईशानी यांनी लग्नापूर्वी फोटोशूट देखील केलं होतं. हे सारे फोटोही त्यांनी शेअर केले आहेत.  

राहुलची कारकिर्द

राहुल चाहरने आतापर्यंत आयपीएलंमध्ये उत्तम गोलंदाजी केली असून त्यामुळे भारतीय संघातही त्याला जागा मिळाली आहे. सध्या मात्र तो संघाबाहेर आहे. राहुलने भारतासाठी 6 टी20 आंतरराष्ट्रीय सामन्यात 7 विकेट्स घेतले आहेत. तसंच त्याने एक वनडे मॅचही खेळली आहे. राहुलने 42 आयपीएल सामन्यात 43 विकेट्स घेतल्या आहेत.

हे ही वाचा - 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha