Nitish Kumar Reddy First Century : लढला, भिडला, झुकेगा नहीं साला! चौकार मारत नितीश कुमार रेड्डीने ठोकले कारकिर्दीतील पहिले शतक, वडिलांच्या डोळ्यात पाणी
India vs Australia 4th Test : भारतीय संघाचा युवा अष्टपैलू खेळाडू नितीश कुमार रेड्डीने मेलबर्न क्रिकेट मैदानावर ऑस्ट्रेलियाविरुद्ध कारकिर्दीतील पहिले शतक ठोकले आहे.
Nitish Kumar Reddy First Century : भारतीय संघाचा युवा अष्टपैलू खेळाडू नितीश कुमार रेड्डीने मेलबर्न क्रिकेट मैदानावर ऑस्ट्रेलियाविरुद्ध कारकिर्दीतील पहिले शतक ठोकले आहे. त्याने 171 चेंडूवर चौकार मारून शतक झळकावले. त्याचे आंतरराष्ट्रीय कारकिर्दीतील हे पहिले शतक आहे. यासह नितीश ऑस्ट्रेलियात कसोटीत शतक ठोकणारा तिसरा सर्वात तरुण भारतीय ठरला आहे. त्याच्या आधी फक्त सचिन तेंडुलकर आणि ऋषभ पंत यांनी ही कामगिरी केली आहे. नितीशसाठी हे शतकही खास होते, कारण त्याचे वडील पण प्रेक्षक गॅलरीत उपस्थित राहून हा सामना पाहत आहेत. वडिलांसमोर शतक झळकावल्यानंतर नितीशही भावूक झाला.
NITISH CENTURY!
— 7Cricket (@7Cricket) December 28, 2024
A glorious lofted drive brings up the milestone!
His dad in tears in the stands, what a moment 🙌#AUSvIND pic.twitter.com/W1SJNHlN4J
नितीश रेड्डीचे ऐतिहासिक शतक
या मालिकेतील पहिल्या सामन्यापासून नितीश कुमार रेड्डी चांगल्या फॉर्ममध्ये दिसत आहे. प्रत्येक प्रसंगी टीम इंडियासाठी धावा केल्या आहेत. मेलबर्नमध्येही त्याने अशा वेळी धावा केल्या, जेव्हा टीम इंडियाला फॉलोऑनचा धोका होता. या सामन्यात तो आठव्या क्रमांकावर फलंदाजीला आला होता आणि संस्मरणीय शतक झळकावले. त्याला 100 धावा पूर्ण करण्यासाठी 171 चेंडू लागले.
नितीश कुमार रेड्डी यांनीही या शतकी खेळीने ऑस्ट्रेलियाच्या भूमीवर इतिहास रचला आहे. आठव्या किंवा त्याखालील क्रमांकावर खेळताना ऑस्ट्रेलियात शतक झळकावणारा तो पहिला भारतीय फलंदाज ठरला आहे. त्याचबरोबर ऑस्ट्रेलियाविरुद्ध आठव्या क्रमांकावर खेळताना शतक करणारा तो दुसरा भारतीय ठरला आहे. याआधी ऋद्धिमान साहानेही हा पराक्रम केला होता.
नितीश कुमारने पर्थमधील पहिल्या कसोटीत 41 आणि नाबाद 38 धावा केल्या. यानंतर, त्याने ॲडलेडमध्ये डे-नाईट कसोटीच्या दोन्ही डावात 42 धावा केल्या. मात्र, गाबा येथील तिसऱ्या कसोटीत तो अवघ्या 16 धावा करून बाद झाला, पण मेलबर्न क्रिकेट मैदानावर या युवा खेळाडूने शतक झळकावले.
𝙅𝙝𝙪𝙠𝙚𝙜𝙖 𝙣𝙖𝙝𝙞, 𝙧𝙪𝙠𝙚𝙜𝙖 𝙣𝙖𝙝𝙞! 🔥💪
— Star Sports (@StarSportsIndia) December 28, 2024
Rising to the occasion for 🇮🇳? Nitish is Ever-Reddy! 💯#AUSvINDOnStar 👉 4th Test, Day 3 | LIVE NOW! | #ToughestRivalry #BorderGavaskarTrophy pic.twitter.com/CkwkIGBRSC
नितीश कुमार रेड्डी पहिल्यांदा प्रकाशझोतात कधी आला?
विजय मर्चंट ट्रॉफी 2017-18 स्पर्धेत आंध्र प्रदेशकडून खेळताना नितीश कुमार रेड्डी पहिल्यांदा प्रकाशझोतात आला. वयाच्या अवघ्या 14 व्या वर्षी त्याने 345 चेंडू खेळून 441 धावा केल्या होत्या. त्या स्पर्धेत त्याने एकूण 1237 धावा केल्या, पण त्याची सरासरी हे चर्चेचे सर्वात मोठे कारण ठरले. त्याने या स्पर्धेत 176.41 च्या अविश्वसनीय सरासरीने धावा केल्या. या स्पर्धेच्या इतिहासात एका हंगामात सर्वाधिक धावा करणारा तो अजूनही खेळाडू आहे. या चमकदार कामगिरीसाठी त्याला त्या वर्षी बीसीसीआयने 16 वर्षांखालील क्रिकेटपटू ऑफ द सीझन पुरस्काराने सन्मानित केले होते.
आयपीएलमधून कमावले नाव
नितीश रेड्डी देशांतर्गत क्रिकेटमध्ये सातत्याने चांगली कामगिरी करत होता, परंतु वर्ल्ड क्रिकेटमध्ये त्याला प्रथमच ओळख मिळाली. खरंतर, आयपीएल 2023 पूर्वी सनरायझर्स हैदराबादने त्याला 20 लाख रुपयांना विकत घेतले होते. पहिल्या सत्रात त्याला फारसे सामने खेळायला मिळाले नाहीत, पण दुसऱ्या सत्रात म्हणजेच 2024 च्या हंगामात त्याने SRH साठी दोन अर्धशतकांसह 303 धावा केल्या. त्याचा स्ट्राइक रेट 143 च्या आसपास होता, त्याने आयपीएल 2024 मध्ये गोलंदाजी करताना 3 बळीही घेतले होते.
हे ही वाचा -
महत्त्वाच्या बातम्या
ट्रेंडिंग न्यूज
