(Source: ECI/ABP News/ABP Majha)
MLC 2023: अमेरिकेच्या मेजर क्रिकेट लीगमध्येही मुंबई इंडियन्सचा संघ, न्यूयॉर्क संघावर लावली बाजी
America Cricket League : मुंबई इंडियन्ससह चार आयपीएल फ्रँचायझींनी अमेरिकेत सुरू होणाऱ्या मेजर क्रिकेट लीगमध्ये आपआपले संघ विकत घेतले आहेत.
Cricket News : इंडियन प्रीमियर लीग म्हणजेच आयपीएलमधील (IPL) सर्वात यशस्वी संघ म्हणजे मुंबई इंडियन्स (Mumbai Indians). मुंबई इंडियन्स संघाच्या फ्रँचायझीने आता केवळ भारतातच नाही तर अमेरिकेतही आपला संघ बनवला आहे. अमेरिकेत एक क्रिकेट लीग सुरू होणार आहे, ज्याचं नाव मेजर लीग क्रिकेट (MLC) आहे. या लीगमध्ये मुंबई इंडियन्स न्यूयॉर्क संघाची धुरा सांभाळणार आहे. या स्पर्धेबद्दल आणि मुंबई इंडियन्सच्या नवीन संघाबद्दल जाणून घेऊ...
मेजर क्रिकेट लीग या यूएसए मध्ये सुरू होत असलेल्या क्रिकेट स्पर्धेत एकूण 6 फ्रँचायझींनी भाग घेतला आहे, ज्यामध्ये भारतातील एकूण 4 फ्रँचायझींनी भाग घेतला आहे. या संघांमध्ये कोलकाता नाईट रायडर्स, दिल्ली कॅपिटल्स, मुंबई इंडियन्स आणि चेन्नई सुपर किंग्ज या संघांचा समावेश आहे. या लीगमध्ये गुंतवणूक करणारी पहिली भारतीय फ्रेंचायझी कोलकाता नाइट रायडर्स होती. केकेआरने लॉस एंजेलिस संघावर बाजी लावली होती.
आयपीएलमधील 4 संघ होणार सहभागी
दिल्लीचा संघ सिएटल फ्रँचायझी संघ चालवणार आहे. त्याच वेळी, या लीगमधील तिसरा भारतीय संघ चेन्नई सुपर किंग्ज आहे. चेन्नई सुपर किंग्जसह अमेरिकेतील स्थानिक गुंतवणूकदारांनी एलास फ्रँचायझीमध्ये गुंतवणूक केली आहे. याशिवाय आयपीएलचा चौथा संघ मुंबई इंडियन्स आहे. मुंबई इंडियन्सने न्यूयॉर्क संघावर सट्टा लावला आहे, जो जुलैपासून सुरू होणाऱ्या या नव्या क्रिकेट स्पर्धेत खेळताना दिसणार आहे.मुंबई इंडियन्ससाठी ही जगातील पाचवी फ्रेंचाइजी असेल. यापूर्वी, मुंबई इंडियन्सने आयपीएल, (आयपीएल), एमआय केपटाऊन (एसए20), एमआय एमिरेट्स (आयएलटी 20) आणि मुंबई इंडियन्स (WPL) मध्येही आपले संघ उतरवले आहेत. या प्रसंगी, मुंबई इंडियन्सच्या मालक नीता अंबानी म्हणाल्या की, वाढत्या एमआय कुटुंबात आमच्या न्यू यॉर्क फ्रँचायझीचे स्वागत करताना मला खूप आनंद होत आहे. ते पुढे म्हणाले, मला आशा आहे की अमेरिकेच्या या पहिल्या क्रिकेट लीगमध्ये प्रवेश केल्यानंतर मुंबई इंडियन्स हा जगातील एक मोठा जागतिक क्रिकेट ब्रँड बनेल. MI साठी ही एक नवीन सुरुवात आहे आणि मी पुढच्या प्रवासाची वाट पाहत आहे.
View this post on Instagram
हे देखील वाचा-
महत्त्वाच्या बातम्या
ट्रेंडिंग न्यूज
