MS Dhoni : धोनीनं दिलं 'या' पाकिस्तानी खेळाडूला खास गिफ्ट; सोशल मीडियावर शेअर केली भावनिक पोस्ट

पाकिस्ताच्या गोलंदाजाने महेंद्रसिंह धोनीने दिलेल्या या गिफ्टबद्दल आभार मानले असून त्यासंबंधी एक इमोशनल पोस्ट सोशल मीडियावर शेअर केली आहे.  

Dhoni

मुंबई : भारत-पाकिस्तानचे संघ हे मैदानावर एकमेकांविरोधात एका युद्धाप्रमाणे खेळत असले तरी मैदानाबाहेरचे त्यांचे संबंध खूप चांगले आहेत हे अनेकदा सिद्ध झाले आहे. आताही असाच एक प्रसंग घडला असून भारताचा माजी कर्णधार महेंद्रसिंह धोनीने पाकिस्तानचा गोलंदाज हॅरिस रौफ याला एक खास गिफ्ट दिलं आहे. 

महेंद्रसिंह धोनीने आपली सही असलेला चेन्नई सुपरकिंगची एक जर्सी गिफ्ट दिली आहे. हे गिफ्ट मिळाल्यानंतर पाकिस्तानचा गोलंदाज हॅरिस रौफ याने सोशल मीडियावर एक भावनिक पोस्ट शेअर केली आहे. त्यामध्ये लिहिलं आहे की, "लिजेंड आणि कॅप्टन कूल एमएस धोनीने  एक सुंदर टी शर्ट मला भेट देऊन माझा सन्मान केला आहे. नंबर-7. महेंद्रसिंह धोनीने आपल्या वर्तनातून आणि उदारतेतून सर्वांचं हृदय जिंकलं आहे."

 

The legend & capt cool @msdhoni has honored me with this beautiful gift his shirt. The "7" still winning hearts through his kind & goodwill gestures. @russcsk specially Thank you so much for kind support. pic.twitter.com/XYpSNKj2Ia

— Haris Rauf (@HarisRauf14) January 7, 2022

हॅरिस रौफ याने या जर्सीसाठी चेन्नई सुपरकिंगचे व्यवस्थापक असलेले रसेल राधाकृष्ण यांचेही आभार मानले आहेत. 

महत्त्वाच्या बातम्या : 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha