IND VS AUS : कसोटी सामन्यात हायव्होल्टेज ड्रामा; मिचेल मार्श आऊट की नॉट आऊट; विराट कोहली थेट अंपायरशी भिडला...
Mitchell Marsh Out Or Not Wicket Controversy : सामन्याच्या दुसऱ्या दिवशी मिचेल मार्शच्या विकेटबाबत मोठा गदारोळ झाला.
Mitchell Marsh IND vs AUS : भारत आणि ऑस्ट्रेलिया यांच्यातील बॉर्डर गावसकर ट्रॉफीमध्ये कोणत्याही मुद्द्यावरून गदारोळ होणे काही नवीन नाही. 6 डिसेंबरपासून ॲडलेडमध्ये खेळल्या जाणाऱ्या दुसऱ्या कसोटी सामन्यातही गदारोळ पाहिला मिळाला. अंपायरच्या या निर्णयामुळे भारतीय क्रिकेट चाहते इतके संतापले की त्यांना ट्रोलिंगला सामोरे जावे लागले. काय आहे हे संपूर्ण प्रकरण जाणून घेऊया….
ॲडलेड कसोटी सामन्यात गोंधळ
बॉर्डर गावसकर ट्रॉफी 2024-25 साठी ऑस्ट्रेलिया दौऱ्यावर गेलेला भारतीय संघ 6 डिसेंबरपासून दुसरा सामना खेळत आहे. ॲडलेड ओव्हलवर सुरू असलेल्या या सामन्यात पहिला दिवस ऑस्ट्रेलियन गोलंदाजांच्या नावावर राहिला. एकीकडे ऑस्ट्रेलियाचा दिग्गज गोलंदाज मिचेल स्टार्कने 6 विकेट घेत भारतीय संघाचे कंबरडे मोडले, गोलंदाजीनंतर यजमान संघ फलंदाजीतही वर्चस्व राखण्यात यशस्वी ठरला. पण सामन्याच्या दुसऱ्या दिवशी मिचेल मार्शच्या विकेटबाबत मोठा गदारोळ झाला.
Bat or pad first? Hard to say - sticking with the umpire's call #AUSvIND pic.twitter.com/UqsoPvEruJ
— cricket.com.au (@cricketcomau) December 7, 2024
खरंतर झाले असे की, ऑस्ट्रेलियाच्या डावातील 58व्या षटकातील तिसरा चेंडू रविचंद्रन अश्विनने मिचेल मार्शला टाकला. त्यावर मार्शला पुढे जाऊन ऑफ स्टंपमधून येणारा लेन्थ चेंडू गोलंदाजाच्या दिशेने खेळायचा होता. पण तो चुकला आणि चेंडू त्याच्या पॅडला लागला. त्यानंतर अश्विन आणि खेळाडूंनी एलबीडब्ल्यू आऊटचे अपील केले. पण पंचांनी अपील फेटाळले.
विराट कोहली थेट अंपायरशी भिडला...
अशा परिस्थितीत रोहितने पुन्हा खेळाडूंशी चर्चा केली आणि त्यानंतर डीआरएस घेण्याचा निर्णय घेतला. थर्ड अंपायरने रिप्ले पाहिला पण ते योग्य निर्णय घेऊ शकला नाही. थर्ड अंपायर म्हणाले की, चेंडू पॅडला लागला की बॅटला हे नीट कळत नाही, अशा परिस्थितीत निर्णय फलंदाजाच्या बाजूने गेला. त्यामुळे मार्श नाबाद राहिला.
Even if it was pad first, it would have stayed with the umpire's not out call pic.twitter.com/jQH5EaIUcD
— cricket.com.au (@cricketcomau) December 7, 2024
दुसरीकडे, वारंवार टीव्ही रिप्ले पाहिल्यानंतर, चेंडू आधी पॅडला आणि नंतर बॅटला लागल्याचे दिसून आले. मात्र तिसऱ्या पंचाचा गोंधळ का झाला हे कोणालाच समजले नाही. भारतीय खेळाडूंनी आश्चर्य व्यक्त केले. जे घडले त्यावर अश्विनचा विश्वास बसेना. त्यावेळी माजी कर्णधार विराट कोहली मैदानात पंचांशी बोलताना दिसला.
हे ही वाचा -
महत्त्वाच्या बातम्या
ट्रेंडिंग न्यूज
