IPL Points Table 2026 : डबल हेडरचा धमाका, पण पॉईंट्स टेबलचं गणित 'जैसे थे', रविवारी IPL 2026 नेमकं काय घडलं?
IPL Points Table 2026 Updated : आयपीएल 2026 मध्ये 3 मे रोजी काल झालेल्या 'डबल हेडर' (दोन सामने) नंतरही गुणतालिकेतील संघांच्या क्रमांकात कोणताही बदल झालेला नाही.
IPL Points Table 2026 Updated : आयपीएल 2026 मध्ये 3 मे रोजी काल झालेल्या 'डबल हेडर' (दोन सामने) नंतरही गुणतालिकेतील संघांच्या क्रमांकात कोणताही बदल झालेला नाही. कोलकाता नाईट रायडर्स आणि गुजरात टायटन्सने विजय मिळवला असला तरी, त्यांना आपल्या जुन्या स्थानावरच समाधान मानावे लागले आहे. दुसरा सामना गुजरात टायटन्स आणि पंजाब किंग्स यांच्यात झाला. पण, या दुहेरी सामन्यांनंतरही गुणतालिकेत कोणताही बदल झाला नाही. कोलकाता नाईट रायडर्स आणि गुजरात टायटन्स यांनी आपापले सामने जिंकले, परंतु कोणालाही कोणताही फायदा झाला नाही.
गुणतालिकेत कोणताही बदल नाही
पहिल्या सामन्यात, कोलकाता नाईट रायडर्सने सनरायझर्स हैदराबादला सात गडी राखून पराभूत केले. हा कोलकाता नाईट रायडर्सचा या हंगामातील तिसरा विजय होता. त्यांनी एकूण 9 सामने खेळले असून आता त्यांचे 7 गुण आहेत. त्यांचा एक सामना पावसामुळे रद्दही झाला होता. या 7 गुणांसह ते आठव्या स्थानावर कायम आहेत. दुसरीकडे, सनरायझर्स हैदराबादला 10 सामन्यांमधील चौथ्या पराभवाला सामोरे जावे लागले, परंतु ते 12 गुणांसह तिसऱ्या स्थानावर कायम आहेत. पण, त्यांच्या नेट रन रेटमध्ये घट झाली आहे.
The battle for the Top 4 is well and truly on 🔢
— IndianPremierLeague (@IPL) May 3, 2026
Punjab Kings currently sit right at the top of the standings 🔝
Predict your Top 2⃣ in the comments 👇#TATAIPL | #KhelBindaas pic.twitter.com/UdVYM0WQZ8
दुसरीकडे, गुजरात टायटन्सने पंजाब किंग्सविरुद्ध 4 गडी राखून विजय मिळवला. या हंगामातील 10 सामन्यांमधील हा त्यांचा सहावा विजय आहे, पण ते पाचव्या स्थानावर कायम आहेत. इतर तीन संघांचे प्रत्येकी 12 गुण आहेत, पण नेट रन रेटमुळे ते गुजरात टायटन्सच्या पुढे आहेत. या सामन्यापूर्वी गुजरात टायटन्सचा नेट रन रेट -0.192 होता, जो आता घसरून -0.147 झाला आहे. दरम्यान, पंजाब किंग्सला नऊ सामन्यांमधील केवळ दुसऱ्या पराभवाला सामोरे जावे लागले, ज्यात एक सामना पावसामुळे रद्द झाला होता. परिणामी, ते 13 गुणांसह अव्वल स्थानावर कायम आहेत, पण त्यांचा नेट रन रेट 1.043 वरून 0.855 पर्यंत घसरला आहे.
इतर संघांची कामगिरी कशी आहे?
रॉयल चॅलेंजर्स बंगळूर नऊ सामन्यांमधून 12 गुणांसह आणि 1.420 च्या नेट रन रेटसह दुसऱ्या स्थानावर कायम आहे. दरम्यान, राजस्थान रॉयल्स 10 सामन्यांमधून 12 गुणांसह चौथ्या स्थानावर आहे. चेन्नई सुपर किंग्स, 9 सामन्यांमधून 8 गुणांसह सहाव्या स्थानावर आहे. दिल्ली कॅपिटल्स, 9 सामन्यांमधून 8 गुणांसह सातव्या स्थानावर आहे. दरम्यान, मुंबई इंडियन्स 9 सामन्यांतून दोन विजय मिळवून नवव्या स्थानावर आहे आणि लखनऊ 8 सामन्यांतून दोन विजय मिळवून दहाव्या स्थानावर आहे.
हे ही वाचा -
महत्त्वाच्या बातम्या
