भारताविरुद्धच्या चौथ्या कसोटीसाठी इंग्लंडच्या संघात मोठा बदल, 'या' धडाकेबाज खेळाडूला संधी
भारत आणि इंग्लंड (India vs England) यांच्यात 5 सामन्यांची कसोटी मालिका खेळली जात आहे. या मालिकेतील चौथा कसोटी सामना 23 जुलैपासून मँचेस्टर येथे खेळवला जाणार आहे.
India vs England : भारत आणि इंग्लंड (India vs England) यांच्यात 5 सामन्यांची कसोटी मालिका खेळली जात आहे. या मालिकेत इंग्लंड 2-1 ने आघाडीवर आहे. दरम्यान, चौथा कसोटी सामना 23 जुलैपासून मँचेस्टर येथे खेळवला जाणार आहे. सामन्याच्या दोन दिवस आधी इंग्लंडने आपल्या प्लेइंग 11 घोषणा केली आहे. एका महान खेळाडूने संघात प्रवेश केला आहे. याशिवाय संघात कोणताही बदल करण्यात आलेला नाही.
इंग्लंडच्या संघात मोठा बदल
इंग्लंडने भारताविरुद्धच्या त्यांच्या प्लेइंग इलेव्हनमध्ये लियाम डॉसनला संधी दिली आहे. शोएब बशीरच्या जागी त्याला संघात स्थान देण्यात आले. तो दुखापतग्रस्त झाला आणि संपूर्ण मालिकेतून बाहेर पडला. त्यामुळे आता त्याच्या जागी डॉसनला संधी मिळाली आहे. डॉसनने भारताविरुद्ध पदार्पण केले. तो बराच काळ इंग्लंड संघापासून दूर होता. त्याच्याशिवाय इंग्लंडच्या प्लेइंग इलेव्हनमध्ये कोणताही बदल करण्यात आलेला नाही.
सर्वांच्या नजरा जेमी स्मिथ आणि हॅरी ब्रूकवर
जेमी स्मिथ आणि हॅरी ब्रूक यांनी आतापर्यंत भारताविरुद्ध खेळलेल्या 3 सामन्यांमध्ये चमकदार कामगिरी केली आहे. दोन्ही खेळाडूंनी इंग्लंडसाठी सर्वाधिक धावा केल्या आहेत. जेमीने 3 सामन्यांच्या 6 डावात 103.75 च्या सरासरीने 415 धावा केल्या आहेत, तर ब्रूकने 3 सामन्यांच्या 6 डावात 52.33 च्या सरासरीने 314 धावा केल्या आहेत. चौथ्या कसोटी सामन्यात सर्वांच्या नजरा या दोन्ही खेळाडूंवर असतील. इंग्लंडला स्मिथ आणि ब्रूककडून खूप अपेक्षा असतील.
मँचेस्टरमध्ये टीम इंडियाचा खराब रेकॉर्ड
मँचेस्टरच्या भूमीवर कसोटी सामन्यांमध्ये भारतीय संघाचा रेकॉर्ड खूपच निराशाजनक राहिला आहे. संघाने या मैदानावर 9 कसोटी सामने खेळले आहेत. टीम इंडियाने एकही सामना जिंकलेला नाही.
इंग्लंडचा प्लेइंग 11 संघ
झॅक क्रॉली, बेन डकेट, ऑली पोप, जो रुट, हॅरी ब्रूक, बेन स्टोक्स (कर्णधार), जेमी स्मिथ (यष्टिरक्षक), लियाम डॉसन, ख्रिस वोक्स, ब्रायडन कार्स, जोफ्रा आर्चर.
महत्वाच्या बातम्या:
जसप्रीत बुमराह चौथ्या कसोटीत खेळणार, करुण नायरला वगळून कुणाला संधी? भारतीय संघात एक बदल होण्याची शक्यता
महत्त्वाच्या बातम्या
